දිසා විනිසුරුවරයෙකු ලෙස කටයුතු කළ වසරක කාලයක් තුළ දී වත්කම් හා දේපළවලින් උපයා ගත නොහැකි රුපියල් ලක්ෂ 25ක මුදල් හා දේපලවල හිමිකාරිත්වය දැරීමේ, චෝදනා යටතේ හිටපු දිසා විනිසුරු රංජන් සෝමසිංහ මහතාට එරෙහිව අල්ලස් හෝ දුෂණ විමර්ශන කොමිසම විසින් පවරන ලද නඩුවේ විත්තියේ වැඩිදුර සාක්ෂි විභාගය හෙට (11) දක්වා කල් තැබීමට කොළඹ මහාධිකරණ විනිසුරු ආදිත්ය පටබැඳිගේ මහතා නියෝග කර තිබෙනවා.
මොරටුව රවතාවත්ත පාරේ 102/2, පදිංචි හිටපු දිසා විනිසුරුවරයා 2008.10.01 දින සිට 2008.12.31 දක්වා කාලය තුළ රුපියල් 2,412,965 ක මුදලක් උපයා ගැනීමෙන් අල්ලස් පනතේ 70 වගන්තිය යටතේ ගැනෙන දුෂණය නමැති වරද සිදුකර ඇතැයි චෝදනා කරමින් අල්ලස් හෝ දුෂණ විමර්ශන කොමිසම කොළඹ මහාධිකරණය හමුවේ 2017 නඩු පවරනු ලැබුවා.
විනිසුරුවරයාට එරෙහිව ඉදිරිපත් වූ පෙත්සම් කිහිපයක් සලකා බැලු අධිකරණ සේවා කොමිෂන් සභාව 2016 දී විනිසුරුවරයාගේ සේවය ද අත්හිටුවීමට කටයුතු කර තිබුණේ.
