අල්ලස් ලබාගැනීමේ සිද්ධියක් සම්බන්ධයෙන් චෝදනාවකට වරදකරු වී අධිකරණයෙන් සිරදඬුවම් නියම වීමෙන් පසු සැඟව සිටි පාතහේවාහැට ප්රාදේශීය සභාවේ හිටපු සභාපතිවරයෙක්ව අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන තිබෙනවා.
අදාළ නඩුවේ තීන්දුව අනුව වරදකරුට වසර තුනක සිරදඬුවමක් නියම වුණා.
කෙසේ වෙතත් නඩු තීන්දුවෙන් පසුව ඔහු සිය පදිංචි ස්ථානයෙන් ඉවත්ව වෙනත් ප්රදේශවල සැඟව සිට ඇති අතර, ලැබුණු තොරතුරු අනුව සිදුකළ විමර්ශනයකදී ඊයේ (09) කිරිල්ලවල – ඉඹුල්ගොඩ ප්රදේශයේදී සැකකරු අත්අඩංගුවට ගැනීමට අල්ලස් කොමිසමේ නිලධාරීන්ට හැකියාව ලැබී තිබෙනවා.
අත්අඩංගුවට ගත් සැකකරු අද (10) කොළඹ මහෙස්ත්රාත් අධිකරණය වෙත ඉදිරිපත් කිරීමට නියමිතයි.
