පාර්ලිමේන්තු මන්ත්රී රවී කරුණානායකගේ නිවසට අද (29) උදෑසන අල්ලස් කොමිසමේ නිලධාරීන් කණ්ඩායමක් ගොස් තිබෙනවා.
මන්ත්රීවරයාට අල්ලස් හෝ දූෂණ විමර්ශන කොමිෂන් සභාව හමුවේ පෙනීසිටින ලෙස ඔහුට දැනුම් දී තිබුණ ද, ඔහු එම දැනුම්දීමට අනුව පැමිණ නොසිටීම හේතුවෙන් එම කොමිෂන් සභාවේ නිලධාරීන් කණ්ඩායමක් මෙලෙස ඔහුගේ නිවස වෙත ගොස් ඇති බවයි වාර්තා වුණේ.
සිදු කරගෙන යනු ලබන විමර්ශනයකට අදාළව අල්ලස් කොමිසම හමුවේ පෙනී සිටින ලෙස මන්ත්රීවරයාට දැනුම්දීමක් කර තිබුණ ද, අදාළ දිනයේ දී මන්ත්රීවරයාට කොමිසමට පැමිණීමට නොහැකි බැවින්, නීතිඥයන් හරහා වෙනත් දිනයක් ඉල්ලා ඇති බවත්, එලෙස නව දිනයක් ලබාදීමට අල්ලස් කොමිසම එකඟවී ඇති බවත් පාර්ලිමේන්තු මන්ත්රී රවී කරුණානායකගේ පාර්ශවයේ ආරංචි මාර්ග පවසනවා.
අල්ලස් කොමිසමේ නිලධාරීන් මෙලෙස නිවෙසට පැමිණ ඇත්තේ එවැනි තත්වයක් යටතේ බවද එම පාර්ශ්වය වැඩිදුරටත් සඳහන් කළා.
කෙසේ වෙතත් මන්ත්රීවරයා ඉදිරි දිනකදී අල්ලස් කොමිෂම හමුවේ පෙනී සිටින බවට ද පාර්ලිමේන්තු මන්ත්රී රවී කරුණානායකගේ නීතිඥවරුන් දැනුම් දෙනවා.
