හිටපු මහ බැංකු අධිපති අර්ජුන මහේන්ද්රන්ට හා අජාර් ගාර්දින් පුංචිහේවා යන සැකකරුවන්ට විවෘත වරෙන්තු නිකුත් කරන ලෙස කොළඹ ප්රධාන මහෙස්ත්රාත් තිළිණ ගමගේ මහතා නියෝග කළා.
2015 වසරේ සිදු වූ මහ බැංකු බැඳුම්කර නිකුතුවකින් රජයට රුපියල් බිලියන දහයකට අධික පාඩුවක් සිදුකළේ යැයි සඳහන් කරමින් අපරාධ පරික්ෂණ දෙපාර්තමේන්තුව විසින් ගොනුකර ඇති පැමිණිල්ලක ඔහු ඇතුළු පිරිසක් සැකකරුවන් වශයෙන් නම්කර සිටිනවා.
මේ වන විට රුපියල් කෝටි 355ක වැට් බදු නොගෙවීම සම්බන්ධයෙන් රක්ෂිත බන්ධනාගාරගතව සිටින අර්ජුන් ඇලෝසියස් මෙම නඩුවේ සැකකරුවකු වන අතර ඊළඟ නඩු වාරයේ දී ඔහුව අධිකරණයට ඉදිරිපත් කරන ලෙස ද ප්රධාන මහේස්ත්රාත්වරයා නියෝග කළා.
අර්ජුන් ඇලෝසියස් , අර්ජුන් මහේන්ද්රන්, ජෙෆ්රි ජොසෆ් ඇලෝසියස් , ආජර් ගාර්දින් පුංචිහේවා, පුෂ්පමුත්තු සිරිවර්ධන හා පුශ්පරාජා සුරෙන්ද්රන් යන පිරිස මෙම නඩුවේ සැකකරුවෝ වෙනවා.
අද (19) නඩුව කැඳවු අවස්ථාවේ දී අර්ජුන් මහේන්ද්රන් සහ අජාර් ගාර්දින් පුංචිහේවා අධිකරණය හමුවේ පෙනී නොසිටි බැවින් විවෘත වරෙන්තු නිකුත් කරන ලෙස ප්රධාන මහේස්ත්රාත් වරයා නියෝග කළා.
මෙම සිද්ධිය සම්බන්ධයෙන් මහාධිකරණය හමුවේ අධිචෝදනා භාර දී ඇති බව ද අපරාධ පරික්ෂණ දෙපාර්තමේන්තුව විසින් අධිකරණයට දන්වා සිටියා.
