එළැඹෙන නොවැම්බර් 03 වැනිදා ජාත්යන්තර මූල්ය අරමුදල සහ ශ්රී ලංකාවේ ණය හිමියන් අතර තවත් තීරණාත්මක සාකච්ඡාවක් පැවැත්වීමට නියමිතව තිබේ.
එහිදී දීර්ඝ වශයෙන් ශ්රී ලංකාවේ ණය ප්රතිව්යුහගත කිරීම සම්බන්ධයෙන් සාකච්ඡා කිරීමට නියමිත බව ජනාධිපති මාධ්ය අංශය පවසනවා.
ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානී සාගල රත්නායක සහ ජාත්යන්තර මූල්ය අරමුදලෙහි ශ්රී ලංකාව සඳහා පත්ව සිටින නව නේවාසික නියෝජිත සර්වත් ජහාන් තම සේවා කාලය අවසන් කර ශ්රී ලංකාවෙන් පිටත්ව යන ජාත්යන්තර මූල්ය අරමුදලේ නේවාසික නියෝජිත ටුබගස් ෆෙරිධනුසෙට්යාවන් යන මහත්ම මහත්මීන් අතර හමුවක් පෙරේදා (27 දා) පස්වරුවේ ජනාධිපති කාර්යාලයේ පැවැත්වුණු අතර එහිදී මේ බව සඳහන් විය.
ණය ප්රතිව්යුහගත කිරීමේ පූර්ව ක්රියාමාර්ග පිළිබඳ මෙන්ම ණය හිමියන්ගේ සමුළුව පිළිබඳ මෙහිදී විශේෂ අවධානය යොමුවිය. මෙම සාකච්ඡාවේ දී අවධානය යොමු කළ කරුණු පිළිබඳ ජනාධිපති රනිල් වික්රමසිංහ මහතා දැනුවත් කර ජනාධිපතිවරයාගේ ප්රතිචාරය කඩිනමින් දැනුම් දීමට අපේක්ෂා කරන බව සාගල රත්නයක මහතා ජාත්යන්තර මූල්ය අරමුදලේ නියෝජිතයන්ට පැවසීය. ආර්ථික කටයුතු පිළිබඳ ජනාධිපති ජ්යෙෂ්ඨ උපදේශක ආර්. එච්. එස්. සමරතුංග මහතා ද මෙම සාකච්ඡාවට එක්ව සිටියා
