පුරාවස්තු ස්ථානයකින් කැණීම් කර ලබාගත් රත්රං මිශ්රිත වටිනා ලෝහ කැටයක් විකිණීමට තැත් කළ මත්ද්රව්ය ජාවාරම්කරුවෙකු පොලිස් විශේෂ කාර්යය බලකාය විසින් අත්අඩංගුවට ගනු ලැබුවා.
විශේෂ කාර්ය බලකාය පුත්තලම කඳවුරේ නිලධාරීන්ට ශ්රී ලංකා යුද හමුදා බුද්ධි අංශ නිලධාරින්ගෙන් ලද තොරතුරකට අනුවයි මෙම වැටලීම සිදු කර ඇත්තේ.
ගිරිබාව පොලිස් වසමේ සගබෝපුර, වරාවැව ප්රදේශයේ දී මෙම සැකකරු අත්අඩංගුවට ගෙන තිබෙනවා.
වැටලීම සිදු කරන අවස්ථාවේ දී පුරාවස්තු කැණීම් කරන ස්ථානයකින් ලබාගත් බවට සැක කළ හැකි කිලෝග්රෑම් 05කට අධික බරකින් යුත් රත්රං මිශ්ර ලෝහ කැටයක් සමග අයිස් මත්ද්රව්ය ග්රෑම් 02යි මිලිග්රෑම් 400ක් පොලිස් භාරයට ගැනුණා.
මෙලෙස අත් අඩංගුවට ගෙන ඇත්තේ 41 හැවිරිදි වරාවැව ප්රදේශයේ පදිංචිකරුවෙක්.
සිද්ධිය සම්බන්ධයෙන් ගිරිබාව පොලිසිය විමර්ශන සිදු කරනවා.
