පවතින අයහපත් කාලගුණික තත්ත්වය සැලකිල්ලට ගෙන පේරාදෙණිය විශ්වවිද්යාලයේ සියලුම අධ්යයන කටයුතු සහ විභාග, නැවත දැනුම් දෙන තුරු තාවකාලිකව අත්හිටුවීමට තීරණය කර තිබෙනවා.
පේරාදෙණිය විශ්වවිද්යාල පාලනාධිකාරිය පවසන්නේ, විශ්වවිද්යාලයේ අත්යවශ්ය සේවාවන් තවදුරටත් අඛණ්ඩව පවත්වාගෙන යන බවයි.
මේ සමඟ විශ්වවිද්යාල පාලනාධිකාරිය සිසු සිසුවියන්ට උපදෙස් කිහිපයක් ලබා දී ඇති අතර, එහිදී තම ගම් ප්රදේශ වෙත ආරක්ෂිතව ගමන් කළ හැකි සිසුන්ට පිටත්ව යා හැකි අට උපදෙස් දී තිබෙනවා.
එමෙන්ම නිවෙස් වෙත යාමට නොහැකි සිසුන්ට ‘සරසවි මැදුර’ නේවාසිකාගාරය හැර විශ්වවිද්යාල නේවාසිකාගාර පරිපාලනය දැනුවත් කර රැඳී සිටිය හැකි බවත් දැනුම් දෙනවා.
අවදානම් සහිත පෞද්ගලික නේවාසික ස්ථානවල රැඳී සිටින සිසුන් ආරක්ෂාව සඳහා විශ්වවිද්යාල නේවාසිකාගාර වෙත පැමිණෙන්නේ නම්, ඔවුන් පිළිගෙන අවශ්ය වාර්තා පවත්වා ගන්නා ලෙස නේවාසිකාගාර පාලනාධිකාරියට උපදෙස් ලබා දී තිබෙනවා.
මේ අතර කිසිදු සිසුවෙකු නේවාසිකාගාරවලින් පිටව යාමට බල නොකරන බව ද විශ්වවිද්යාල පාලනාධිකාරිය අවධාරණය කරනවා.
