දිවයිනට බලපෑ අයහපත් කාලගුණ තත්ත්වය හේතුවෙන් දිස්ත්රික්ක 13ක ප්රදේශීය ලේකම් කොට්ඨාස 104ක පුද්ගලයින් 4,623ක් මේ වනවිට පීඩාවට පත්ව සිටින බව ආපදා කළමණාකරන මධ්යස්ථානය සඳහන් කරනවා.
ඉන් වැඩිම පිරිසක් පීඩාවට පත්ව ඇත්තේ ගම්පහ දිස්ත්රික්කයේ බවත්, එහි පවුල් 327ක පුද්ගලයින් 1,278 දෙනෙකු පීඩාවට පත්ව ඇති බවයි ආපදා කළමණාකරන මධ්යස්ථානයේ නියෝජ්ය අධ්යක්ෂ රවී ජයන්ත සඳහන් කළේ.
කොළඹ දිස්ත්රික්කයේ ස්ථාන 32ක ගස් කඩා වැටීම්, විදුලි රැහැන් කඩා වැටීම් ඇතුළු ආපදාවන් වාර්තා වී ඇති බවයි ද නියෝජ්ය අධ්යක්ෂවරයා පැවසුවා.
මේ අතර අද (31) දිනය තුළ දී ද ධීවර කටයුතු වලින් වැළකී සිටින ලෙස ධීවර ප්රජාවට දැනුම් දී ඇති බවයි ඔහු සඳහන් කර සිටියේ.
එමෙන්ම අයහපත් කාලගුණය හේතුවෙන් අර්ධ නිවාස හානි 1,184ක් පමණ සිදුව ඇති බව ආපදා කළමණාකරන මධ්යස්ථානය සඳහන් කරනවා.
මේ අතර කොළඹ නගයේ ඇතුළු අනෙකුත් ප්රදේශවල අයහපත් කාලගුණය හේතුවෙන් වාහනවලට සිදු වූ හානි සම්බන්ධයෙන් ද නියෝජ්ය අධ්යක්ෂ රවී ජයන්ත අදහස් දක්වා සිටියා.
එහිදී ඔහු සඳහන් කර සිටියේ අමාත්යවරයා සහ ලේකම්වරයා ගනු ලබන තීරණ අනුව ඉදිරියේ දී එම හානියට පත් රථ වාහනවලට ගෙවීම් කටයුතු සිදුකරන බවයි.
