අයහපත් කාලගුණික තත්ත්වය හේතුවෙන් හානියට පත් මාර්ග සහ පාලම් පිළිසකර කිරීමේ විශේෂ වැඩසටහනක් මාර්ග සංවර්ධන අධිකාරිය විසින් ප්‍රකාශයට පත් කර තිබෙනවා.
මාර්ග සංවර්ධන අධිකාරියේ අධ්‍යක්ෂ ජනරාල් එස්.එම්.පී.සූරියබණ්ඩාර පවසන්නේ පසුගිය දිනවල ඇති වූ ගංවතුර තත්ත්වය හේතුවෙන් උතුරු, උතුරුමැද සහ නැගෙනහිර පළාත්වල මාර්ගවලට දැඩි හානි සිදුව ඇති බවයි.
මීට අමතරව ඌව සහ මධ්‍යම පළාත්වල මාර්ග නායයෑම්වලට ලක්ව ඇති බවයි අධ්‍යක්ෂ ජනරාල්වරයා සඳහන් කළේ.
මේ අතර දිවයිනට බලපා ඇති අයහපත් කාලගුණය හේතුවෙන් උඩරට මාර්ගයේ දුම්රිය මාර්ගයට ද ගල් සහ පස් කන්ඩි කඩා වැටී එහි ගමනා ගමන කටයුතුවලට බාධා එල්ල වී තිබුණා.
