දිවයිනට බලපා ඇති අයහපත් කාලගුණික තත්ත්වයත් සමඟ ගංඟා පිටාර ගැලීම හේතුවෙන් ඇති වී තිබෙන ගංවතුරෙන් විපතට පත් වී සිටින ජනතාව මුදාගැනීම සඳහා යුද හමුදා භට පිරිස් යොදවා තිබෙනවා.
එම සහන සේවා කටයුතු තව දුරටත් පුළුල් කරමින් වැඩි භට පිරිස් ප්‍රමාණයක් යෙදවීමට යුද හමුදාපතිවරයා විසින් 1 බලකායේ බලකාධිපති හා සියලුම ආරක්‍ෂක සේනා ආඥාපතිවරුන් වෙත උපදෙස් ලබාදී ඇති බවයි වාර්තා වන්නේ.
ඒ, අනුව පහත සඳහන් ස්ථානයන් වෙත සහනසේවා කටයුතු සඳහා අද (14) දින භටපිරිස් යොදවා ඇති බව සඳහන්.
මල්වාන- යුද හමුදා කණ්ඩායමක් (බෝටුවවක් සමඟ)
කටුගොඩ- යුද හමුදා කණ්ඩායමක්
වටරැක- යුද හමුදා කණ්ඩායමක් (බෝට්ටුවක් සමඟ)
සිතාවක- යුද හමුදා කණ්ඩායමක්
මීතොටමුල්ල- යුද හමුදා කණ්ඩායම් දෙකක් (යුනි බෆල් රථ හතරක් සමඟ)
කොලොන්නාව- යුද හමුදා කණ්ඩායමක් (අයන්හෝස් දෙකක් සමග)
නවගමුව- යුද හමුදා කණ්ඩායමක් (බෝට්ටු දෙකක් සමග)
පැලවත්ත- යුද හමුදා කණ්ඩායමක් (යුනි බෆල් රථයක් සමග)
යටදොලවත්ත- යුද හමුදා කණ්ඩායමක් (යුනි බෆල් රථයක් සමග)
මීට අමතරව කොළඹ, කළුතර, ගාල්ල, මාතර, රත්නපුර, හම්බන්තොට, ගම්පහ හා පුත්තලම යන දිස්ත්‍රික්කවල ඇති විය හැකි හදිසි අපදා තත්ත්වයක දි යෙදවිම සඳහා WMZ රථ 23ක්, යුනි බෆල් රථ හා යුනි කෝන් රථ 34ක්, බෝට්ටු 56 ක් සමග 6,500 පමණ භට පිරිසක් සුදානම් කර ඇති බවයි වාර්තා වුණේ.
