අමෙරිකාවේ පුද්ගලයෙක් පවුලම ඝාතනය කරයි

අමෙරිකාවේ ටෙක්සාස් ප්‍රාන්තයේ සිදුකළ වෙඩි තැබීමකින් එකම පවුලේ සාමාජිකයින් සිව් දෙනෙකු මියගොස් තිබේ.

විදෙස් මාධ්‍ය වාර්තා කර ඇත්තේ අදාළ වෙඩිතැබීම සිදුකළ සැකකරු ද පසුව වෙඩිතබාගෙන සියදිවි හානිකරගෙන ඇති බවය.

එම වාර්තා වැඩිදුරටත් සඳහන් කරන්නේ ස්ථාන දෙකක සිදුකළ වෙඩිතැබීම් හේතුවෙන් තුවාල ලැබූ පුද්ගලයන් තිදෙනෙකු මේ වනවිට රෝහල්ගතකර ඇති බවය.

මෙලෙස ඝාතනයට ලක්ව ඇත්තේ වෙඩිතැබීම සිදුකර ඇති පුද්ගලයාගේ මව (61), බාප්පා (68), පුතු (21) සහ ඔහුගේ මීට පෙර පෙම්වතියගේ සිව් හැවිරිදි වියේ පසුවූ දරුවාය.

සිද්ධිය සම්බන්ධයෙන් ටෙක්සාස් ආරක්ෂක අංශ වැඩිදුර විමර්ශන ආරම්භ කර තිබේ.

මෙම ඝාතනය පෞද්ගලික ආරවුලක් මත සිදුවූ වෙඩි තැබීමක් බවට සැකපළ කරයි.