අමෙරිකාව විසින් සම්බාධක පැනවූ බව කියන ඉරාන නෞකා මෙරට මුහුදු සීමාවට ඇතුළත් වීම සම්බන්ධයෙන් අද (01) පැවති කැබිනට් තීරණය දැනුම් දීමේ මාධ්‍ය හමුවේ දී මාධ්‍යවේදීන් විසින් අමාත්‍යවරයාගෙන් ප්‍රශ්න කර සිටියා.
එහිදී මාධ්‍යවේදීන් පෙන්වා දුන්නේ, පසුගිය දින කිහිපය තුළ මෙරට අවසරයකින් තොරව ඉරානයට අයත් නෞකා 12ක් පමණ මෙරටට අයත් මුහුදු සීමාවට ඇතුළත් වී ඇති බවට ආනාවරණය වී ඇති බවයි.
මෙරට මුහුදු සීමාව වන ගොඩබිමේ සිට නාවික සැතපුම් 12 සීමාව ඉක්මවා එම නෞකා, නාවික සැතපුම් 11.5ක් දක්වා පැමිණ ඇති බවට වාර්තා වනවා.
කෙසේ වෙතත් මේ සම්බන්ධයෙන් අදහස් දැක්වූ කැබිනට් මාධ්‍ය ප්‍රකාශක අමාත්‍ය නලින්ද ජයතිස්ස සඳහන් කළේ, එම කරුණ සම්බන්ධයෙන් තමා දැනුවත් නොමැති බවත්, ඒ සම්බන්ධයෙන් විදේශ අමාත්‍යංශය මඟින් කරුණු සොයා බැලීමක් සිදු කරන බවත් සඳහන් කළා.
මීට පෙර මැදපෙරදිග යුද උණුසුම ඉහළගොස් පැවතිය දී පවා ජීවිත බේරා ගැනීමේ අරමුණින් පමණක් දෙපාර්ශවය සඳහාම උපකාරී අන්දමින් කටයුතු කළ බවට පෙන්වා දුන් අමත්‍යවරයා සඳහන් වැඩිදුරටත් කළේ, එවන් තත්ත්වයක් මත යුද්ධයේ කිසිඳු පාර්ශවයකට සහය වීමේ අවශ්‍යතාවයක් නොමැති බවයි.
