තම නව හැවිරිදි බාලවයස්කාර දියණිය 2019 වසරේ සිට අවස්ථා කීපයකදී බරපතළ ලිංගික අපයෝජනයට ලක් කළ බව කියන හතළිස් නව හැවිරිදි නරුම පියෙකු ගලෙන්බිඳුණුවැව පොලිසිය විසින් කුඩා ගලෙන්බිඳුණුවැව ප්රදේශයේදී අත්අඩංගුවට ගෙන තිබෙනවා.
අදාළ සිද්ධිය සම්බන්ධයෙන් කුඩා ගලෙන්බිඳුණුවැව ප්රදේශයේ ගම්වැසියන් කීපදෙනෙක් විසින් පොලිසිය වෙත නිර්නාමිකව යොමුකළ ලිපියකට අනුව සිදුකළ විමර්ශන වලදී අනාවරණය වූ තොරතුරු මත සැකකරු අත්අඩංගුවට ගෙන ඇති බවයි සඳහන් වන්නේ.
ගලෙන්බිඳුණුවැව ප්රදේශයේ පාසලක හතර වෙනි ශ්රේණියේ අධ්යාපනය ලබන වින්දිත දැරියගේ මව 2019 වසරේ ගෘහ සේවය සඳහා විදේශගතව සිටින අතර තමා යළි මෙරටට පැමිණෙන තෙක් දැරිය රැක බලා ගැනීම සඳහා මව විසින් රැකියා විරහිත සිය සැමියා හට භාර දී ගොස් තිබෙනවා.
එසේ සිටින අතරතුර සැකකාර පියා විසින් තම දැරිය මෙලෙස ලිංගික අපයෝජනයට ලක්කොට ඇති බව ගලෙන්බිඳුණුවැව පොලිසිය දැරියගෙන් සිදුකළ ප්රශ්න කිරීම්වලදී අනාවරණය වී ඇත්තේ.
