ඉන්දීය ව්යාපාරික මුකේෂ් අම්බානි අභිබවා ඉන්දීය ව්යාපාරික ගෞතම් අදානි ආසියාවේ ධනවත්ම පුද්ගලයා බවට පත්ව තිබෙනවා.
නවතම බිලියනපති ශ්රේණිගත කිරීම්වලට අනුව, ඇමරිකානු ඩොලර් බිලියන 92.6ක ශුද්ධ වත්කමක් ඇති අදානි, ඇමරිකානු ඩොලර් බිලියන 90.8ක ධනයක් ඇති අම්බානි අභිබවා ඉන්දියාවේ සහ ආසියාවේ ධනවත්ම පුද්ගලයා බවට ඇති බවයි වාර්තා වන්නේ.
අදානි සමූහයේ නිර්මාතෘ වන ගෞතම් අදානි, ඉන්දියාවේ විශාලතම පෞද්ගලික වරාය ජාලයේ හිමිකරු වනවා.
එමෙන්ම ඉන්දියාවේ විශාලතම පුනර්ජනනීය බලශක්ති නිෂ්පාදකයා සහ පෞද්ගලික ගුවන් තොටුපළ ක්රියාකරු වන අදානි ලොව විශාලතම ගල් අඟුරු වෙළඳුන් අතර ඉහළ තැනක පසුවනවා.
ලොව ධනවත්ම පුද්ගලයින් 500 දෙනා නිරීක්ෂණය කරන සහ දිනපතා යාවත්කාලීන වන බ්ලූම්බර්ග් බිලියනපතියන්ගේ දර්ශකයේ ගෞතම් අදානි දැනට 19 වන ස්ථානයේ පසුවනවා.
මුකේෂ් අම්බානි එම දර්ශකයේ පසුවන්නේ 20 වන ස්ථානයේ යි.
