අම්බලන්තොට ප්රදේශයේ සිදු වූ වෙඩි තැබීමකින් කාන්තාවක් තුවාල ලබා තිබෙනවා.
අද පස්වරු දෙකට පමණ මෙම වෙඩි තැබීම සිදුවී ඇත්තේ බස් රථයක් තුලදීයි.
යතුරුපැදියකින් පැමිණි දෙදෙනෙකු බස් රථයට බාධා වන ආකාරයෙන් නතර කර බස් රථයට ගොඩවී කාන්තාවට වෙඩි තබා තිබෙනවා.
තුවාල ලබා ඇත්තේ උතුරු කඩවර ප්රදේශයේ පදිංචි 47 හැවිරිදි කාන්තාවක්.
වෙඩි වැදුණු කාන්තාව නඩුවක් සඳහා හම්බන්තොට ප්රදේශයට ගොස් යළි පැමිණෙමින් සිටියදී මෙම වෙඩි ප්රහාරයට ලක්ව තිබෙනවා.
ඇය අම්බලන්තොට රජයේ රෝහලට ඇතුලත් කිරීමෙන් පසු වැඩිදුර ප්රතිකාර සඳහා හම්බන්තොට මහ රෝහලට මාරු කර යවා තිබෙනවා.
වෙඩි තැබූ සැකකරුවන් පළාගොස් ඇති අතර ඔවුන් සොයා පොලිස් පරීක්ෂණ ක්රියාත්මකයි.
මෙම කාන්තාව පසුගිය ජුලි මස 19 වනදා කොග්ගල ප්රදේශයේ සිදු කළ ඝාතනයක් සම්බන්ධයෙන් රක්ෂිත බන්ධනාගාර ගතව සිටින රොෂාන් නැමති සැකකරුගේ මව බවට අනාවරණ වී තිබෙනවා.
නිවසකට ඇතුලු වූ පුද්ගලයන් තුන් දෙනෙකු විසින් වෙඩි තබා එම ඝාතනය සිදු කර තිබුණා.
