ඉන්දීය ආරම්භක පිතිකරු අභිෂේක් ෂර්මා රෝහල් ගතකර ඇති බව වාර්තා වනවා.
ආමාශයේ ආසාදනයක් හේතුවෙන් අභිෂේක් ෂර්මා මෙලෙස රෝහල් ගතකර ඇති බවයි වාර්තා වුණේ.
දිල්ලියේ පෞද්ගලික රෝහලකට ඔහුව ඇතුළත් කර ඇති අතර, ඔහුට වෛද්ය පරීක්ෂණ සිදු කෙරෙමින් පවතින බවයි තොරතුරු වාර්තා වන්නේ.
මේ හේතුවෙන් විස්සයි විස්ස ලෝක කුසලාන තරගාවලියේ නැමීබියාවට එරෙහි තරගය ඔහුට අහිමි විය හැකි බවයි ක්රිකට් ආරංචි මාර්ග සඳහන් කළේ.
ඇමරිකා කණ්ඩායම සමඟ ඉන්දියාව මුහුණ දුන් පළමු තරගයට පෙර ද ඔහු අසනීපව සිටි බවත්, තරගය ක්රීඩා කිරීමෙන් පසු ඔහුගේ තත්වය නරක අතට හැරුණු බවයි තොරතුරු වාර්තා වන්නේ.
මේ හේතුවෙන් ඔහු නැමීබියාවට එරෙහිව හෙට පැවැත්වෙන තරගයට පෙර නවදිල්ලියේ අරුන් ජෙට්ලි ක්රීඩාංගනයේ පැවති පුහුණු සැසියට සභාගී වී නොසිටි බවට ද වැඩිදුරටත් තොරතුරු වාර්තා වනවා.
