ජාතික ජන බලවේග රජය දෝෂාභියෝග යෝජනාවක් ඉදිරිපත් කිරීමට සැලසුම් කර ඇති, අභියාචනාධිකරණ සභාපති විනිසුරු නිශ්ශංක බන්දුල කරුණාරත්න මෙම මස අවසානයේ සිය ධුරයෙන් ඉල්ලා අස්වීමට නියමිත බව වාර්තා වනවා.
අභියාචනාධිකරණ විනිසුරුවරුන්ගේ විශ්රාම යන වයස අවුරුදු 63 වන බැවින් ඔහු මෙම වසරේ ජුනි 16 වන දින විශ්රාම යාමට නියමිතව සිටිනවා.
පසුගිය සඳුදා නීතිපති පාරින්ද රණසිංහ සහ ජනාධිපති අනුර කුමාර දිසානායක අතර පැවති සාකච්ඡාවලින් පසුව, බරපතළ අපරාධ නඩු 11ක් කඩිනමින් අවසන් කිරීමට නීතිපති දෙපාර්තමේන්තුව විසින් තීරණය කර තිබෙනවා.
එම තීරණ සමඟ අභියාචනාධිකරණ සභාපති විනිසුරුට එරෙහි දෝෂාභියෝගය පිළිබඳව තීරණය කිරීමට ද නියමිතව තිබී ඇති බව දේශපාලන ආරංචිමාර්ග සඳහන් කළේ.
මේ අතර, අභියාචනාධිකරණයේ සිට ශ්රේෂ්ඨාධිකරණයට විනිසුරුවරුන් හතර දෙනෙක් ජනාධිපති අනුර කුමාර දිසානායක ඉදිරියේ ජනාධිපති කාර්යාලයේදී අද (12) පෙරවරුවේ දිවුරුම් දුනනා .
අභියාචනාධිකරණ විනිශ්චයකාරවරුන් වන ආර්.එම්.එස්.රාජකරුණා, මේනකා විජේසුන්දර, සම්පත් බී. අබේකෝන් සහ එම්.එස්.කේ.බී.විජේරත්න ජනාධිපතිවරයා ඉදිරියේ මෙලෙස නව ශ්රේෂ්ඨාධිකරණ විනිශ්චයකාරවරුන් ලෙස දිවුරුම් දෙනු ලැබුවා.
