ශ්‍රී ලංකා නාවික හමුදාවේ 26 වැනි නාවික හමුදාධිපතිවරයා වශයෙන් පත්වීම් ලද වයිස් අද්මිරාල් කාංචන බානගොඩ අද (31) ආරක්ෂක අමාත්‍යාංශයේ දී, ආරක්ෂක අමාත්‍යාංශයේ ලේකම්, (විශ්‍රාමික) එයාර් වයිස් මාර්ෂල් සම්පත් තුයියකොන්තා මහතා හමුවුණා.
හමුදාමය සම්ප්‍රදායන්ට අනුකූලව සිදු කෙරුණු මෙම ප්‍රථම නිල හමුවේ දී, ශ්‍රී ලංකා නාවික හමුදාවේ 26 වැනි නාවික හමුදාධිපති වශයෙන් පත්වීම් සම්බන්ධයෙන් වයිස් අද්මිරාල් කාංචන බානගොඩ වෙත ආරක්ෂක ලේකම් විසින් සිය සුබ පැතුම් පිරිනැමිමෙන් අනතුරුව, ජාතික සමුද්‍රිය අභිලාෂය සාක්ෂාත් කර ගැනීම සහ ජාතික ආරක්ෂාව සම්බන්ධයෙන් ශ්‍රී ලංකා නාවික හමුදාවේ කාර්යය භාරය ඇතුළු වැදගත් කරුණු පිළිබඳව නාවික හමුදාධිපති සහ ආරක්ෂක ලේකම් අතර අදහස් හුවමාරුවක් සිදු කෙරුණු බවයි නාවික හමුදා මාධ්‍ය අංශය නිවේදනය කළේ.
නාවික හමුදාධිපති විසින් ආරක්ෂක ලේකම් හමු වූ මෙම ප්‍රථම නිල හමුව සංකේතවත් කරමින්, නාවික හමුදාධිපති සහ ආරක්ෂක ලේකම් අතර සමරු තිළිණ හුවමාරුවක් ද සිදු කෙරුණා.
