අපරාධ 9කට සම්බන්ධ කොල්ලකරුවන් දෙදෙනෙකු මෙරට නිෂ්පාදිත ජීව අත්බෝම්බයක් සහ හෙරොයින් සමග පොලිස් අත්අඩංගුවට ගෙන තිබෙනවා.
මෙලෙස අත්අඩංගුවට පත්වී ඇත්තේ වාද්දුව ප්රදේශයේ පදිංචි අවුරුදු 26 සහ 37 වයස්වල පසුවන දෙදෙනෙක්.
අප වාර්තාකරු සඳහන් කළේ මෙම සැකකරුවන් අත්අඩංගුවට ගන්නා අවස්ථාවේදී ඔවුන් සතුව තිබී කොල්ලකන ලද රන් භාණ්ඩ කිහිපයක් ද සොයාගෙන ඇති බවයි.
වාද්දුව ප්රදේශයේ අපරාධ දෙකකට, පිංවත්ත ප්රදේශයේ අපරාධ 6කට මෙන්ම අලුබෝමුල්ල ප්රදේශයේ අපරාධයකට මෙම පුද්ගලයන් දෙදෙනා සම්බන්ධ බවටයි හෙළිවි ඇත්තේ.
සොරකම් කළ ස්වර්ණාභරණ කිහිපයක්, ජංගම දුරකතනයක් මෙන්ම පුද්ගලයෙකු කපා කොටා තුවාල සිදු කිරීමට යොදාගත් පිහියක් ද පොලිසිය විසින් සොයාගෙන තිබෙනවා.
සැකකරුවන් අධිකරණයට ඉදිරිපත් කිරීමට නියමිතයි.
