අනුරාධපුර බන්ධනාගාරයේ එළිමහන් සිර කඳවුරෙහි මහජනතාවට විවෘත කර ඇති ආපනශාලාවේ සේවය කළ සිරකරුවන් දෙදෙනෙකු අද (29) දහවල් පැනගොස් තිබෙනවා.
මෙලෙස පැන ගිය එක් සැකකරුවකු අනුරාධපුර ශ්රාවස්තිපුර ප්රදේශයේ හා අනෙක් සැකකරු කැලණිය ප්රදේශයේ අයෙකු බව බන්ධනාගාර ආරංචි මාර්ග සදහන් කර තිබෙනවා.
මෙම සිරකරුවන් පැළඳ සිටි බන්ධනාගාර ඇඳුම් ඉවත් කොට වෙනත් ඇඳුම් පැළඳ මෙසේ පලා ගොස් ඇති අතර ඔවුන්ව සොයා අනුරාධපුර බන්ධනාගාර නිලධාරීන් සහ පොලිසිය මෙහෙයුමක් ආරම්භ කර ඇති බව වර්තාවනවා.
