අනුරාධපුර දිස්ත්‍රික්කයේ ගලෙන්බිඳුණුවැව ප්‍රාදේශීය ලේකම් කොට්ඨාසයේ පළුගොල්ගල්ලාගම ඤාණිස්සර පිරිවෙන් නායක ස්වාමින් වහන්සේ හා විහරස්ථ දායක සභාව විසින් සංවිධානය කර තිබු මෙවර සුර්ය මංගල්යේ අති උත්කර්ෂවත් අන්දමට පැවැත්වීමට කටයුතු කර තිබුණු බවයි වාර්තාවන්නේ.
ඒ සඳහා අවුරුදු කුමර කුමරියන් තේරීම, ගම හරහා දිවීම, කොට්ටාපොරය ඇතුළු විවිධ අංගයන්ගෙන් සමන්විත වී තිබෙනවා.
මෙලෙස සංවිධානය කර තිබු සුර්ය මංගල්‍යයේ කාගෙත් සිත් දිනාගත් අංගය වී තිබුනේ විකට ඇදුම් තරඟය වන අතර
එම ඉසව්ව සඳහා කළකිරුණු මිනිසකුගේ චරිතය කට පණ පෙවූ පුද්ගලයෙකුගේ අංගය විශේෂ වී තිබෙනවා.
එම චරිතය වුයේ මුලු සිරුරම වැසෙනා අයුරින් මැටි වලින් පිළිමයක ආකාරයෙන් සිට සිදු කළ නිරූපණයක්ය.
පිළිමයක ස්වරුපයෙන් පැය 05 කට ආසන්න කාලයක් එකම ඉරියව්වකින් සිටීම හා අදහස් පිරුණු චරිතාංගයක් වීමත් විශේෂත්වයක් වූ බව අප වාර්තාකරු පැවසුවා.
