තම බිරිඳව සහ ඇය සමඟ අනියම් සම්බන්ධතාවයක් පැවැත් වූ බව කියන පුද්ගලයෙකු තියුණු ආයුධයකින් කපා බරපතළ තුවාල සිදුකළ බව කියන සැමියෙක් අත්අඩංගුවට ගැනීමට ආරච්චිකට්ටුව පොලීසිය විමර්ශන ආරම්භ කර තිබෙනවා.
ආරච්චිකට්ටුව – වෛරන්කට්ටුව ප්‍රදේශයේ පාළු මාර්ගයක දී ඊයේ (06) රාත්‍රියේ සැකකරු විසින් මෙම ප්‍රහාරය සිදුකර ඇති බවයි වාර්තා වන්නේ.
සිද්ධියෙන් තුවාල ලබා ඇත්තේ ආරච්චිකට්ටුව, වෛරන්කට්ටුව ප්‍රදේශයේ පදිංචි වයස අවුරුදු 40ක කාන්තාව සහ වයස අවුරුදු 39ක පිරිමි පුද්ගලක් බවයි අප වාර්තාකරු පැවසුවේ.
පිහි ප්‍රහාරයෙන් බරපතළ තුවාල ලැබූ දෙදෙනා ආනවිළුන්දාව ප්‍රාදේශීය රෝහලට ඇතුළත් කිරීමෙන් අනතුරුව වැඩිදුර ප්‍රතිකාර සදහා හලාවත මහ රෝහලට මාරු කර යවා තිබෙනවා.
මෙම කාන්තාව සහ පිරිමි පුද්ගලයා අසල්වැසියන් බවත්, ඔවුන් දෙදෙනා අතර කාලයක සිට අනියම් සම්බන්ධතාවයක් තිබී ඇති බවයි පොලිසිය තොරතුරු අනාවරණය කරගෙන ඇත්තේ.
මොවුන් දෙදෙනාටම විවාහ වන වයසේ දරුවන් සිටින බව ද පොලීසිය සඳහන් කළා.
සිද්ධිය සම්බන්ධයෙන් වැඩිදුර විමර්ශන කටයුතු ආරච්චිකට්ටුව පොලිසිය විසින් සිදුකරනු ලබනවා.
