අනියම් ප්රේමයක් හේතුවෙන් 35 හැවිරිදි විවාහක දෙදරු පියෙකු ව සැලසුම්සහගතව ඝාතනය කර, පසුව ඔහුගේ ශරීරය පුළුස්සා දමා තිබෙනවා.
දසත ප්රාදේශීය වාර්තාකරු පැවසුවේ කුලික්කඩ – මැදවච්චිය ප්රදේශයේ පදිංචි ව සිටි නිශාන් බුද්ධික නමැති පුද්ගලයෙකු පවත්වාගෙන ගිය අනියම් සබඳතාවක් මත හටගත් ආරවුලක් හේතුවෙන් මෙම ඝාතනය සිදු ව ඇති බවයි.
ඝාතනයට ලක් වූ පුද්ගලයාගේ සිරුර දුනුමඬලෑව – ඇතෑව ප්රදේශයේ ළඳු කැලෑවක් තුළ තිබියදී සොයාගෙන තිබෙනවා.
ඒ වනවිටත් මරණකරුගේ සිරුරට ටයර් දමා පුළුස්සා ඇති බවයි පොලිස් නිරීක්ෂණවල දී පෙනී ගොස් ඇත්තේ.
මේ පිළිබඳව පුත්තලම කොට්ඨාස අපරාධ විමර්ශන කාර්යාංශයට ලැබුණු තොරතුරක් මත ජ්යේෂ්ඨ නියෝජ්ය පොලිස්පති නීතිඥ අජිත් රෝහණ මහතාගේ උපදෙස් මත පුළුල් විමර්ශන ආරම්භ කෙරුණා.
පසුව එම ඝාතනයට සම්බන්ධ ප්රධාන සැකකරුවන් ව අනුරාධපුර – ලෝළුගස්වැව ප්රදේශයේ කුලී නිවසක රැඳී සිටියදි පුත්තලම කොට්ඨාසයේ අපරාධ විමර්ශන අංශයේ ස්ථානාධිපති ප්රධාන පොලිස් පරීක්ෂක චන්ද්ර ශ්රී ලාල් මහතාගේ ප්රධානත්වයෙන් යුත් පොලිස් කණ්ඩායමක් විසින් අත්අඩංගුවට ගනු ලැබුවා.
එමෙන්ම ඝාතකයින් විසින් මරණකරුගේ පාංසුකූල කටයුතු ද සිදු කර තිබෙන බවට අනාවරණය වී තිබෙනවා.
ඝාතනයට ලක් වූ පුද්ගලයාගේ සිරුර පුළුස්සා තිබූ ස්ථානයේ අවට සිරුරේ සෙසු කොටස් ද විසිරී තිබියදී සොයා ගැනුණා.
