මූලික වැටුපට රුපියල් 20,000ක් එකතු කරන ලෙස ඉල්ලා අනිද්දා (09) උදෑසන උදේ 8.00 සිට දහවල් 12.00 දක්වා රෝහල්වල රාජකාරිවලින් ඉවත් වී වෘත්තීය ක්රියාමාර්ගයක නිරතවීමට තීරණය කර ඇති බව ඒකාබද්ධ සෞඛ්ය සේවක සංගමය පවසනවා.
එම සංගමයේ ප්රධාන ලේකම් ටැම්පිටියේ සුගතානන්ද හිමි කොළඹ දී මාධ්ය හමුවක් කැඳවමින් මේ බව සඳහන් කළා.
මේ හේතුවෙන් රෝහල්වල රාජකාරී වලට බාධාවක් ඇතිවිය හැකි බවයි උන්වහන්සේ වැඩිදුරටත් සඳහන් කළේ.
මෙම වැඩ වර්ජන ක්රියාදාමය මූලික රෝහල්වල පැවතියත්, මාතෘ හා ළමා රෝහලේ සහ පිළිකා රෝහලේ අත්යවශ්ය සේවාවන් බාධාවකින් තොරව පවත්වාගෙන යාමට කටයුතු කරන බවයි ද සුගතානන්ද හිමියන කියා සිටියේ.
මේ අතර අනිද්දා (09) දිනයේ දී සියලුම ගුරුවරුන් අසනීප නිවාඩු වාර්තා කිරීමට බලාපොරොත්තුවන බව ලංකා ගුරු සංගමය පවසනවා.
වැටුප් විෂමතා ඉවත් කරන ලෙස ඉල්ලා ගුරුවරුන් මෙලෙස වෘත්තීය ක්රියාමාර්ගයකට එක්වන බවයි ලංකා ගුරු සංගමයේ ප්රධාන ලේකම් ජෝසප් ස්ටාලින් ඊයේ (06) සඳහන් කළේ.
ඉල්ලීම් දිනාගැනීමට සාකච්ඡා මාර්ගයෙන් නොහැකි වු විට විකල්ප මාර්ගය වැඩවර්ජනය බව මගේ ද පිලිගැනිමයි