අන්තර් විශ්ව විද්‍යාල ශිෂ්‍ය බල මණ්ඩලයේ විරෝධතාවකට මීට සුළු වේලාවකට පෙර ජල හා කඳුළු ගෑස් ප්‍රහාරයක් එල්ල කෙරුණා.
සිසුන් මහමඟ, සියලු සිසුන්ට නේවාසිකාගාර දියව් යන මැයෙන් ඔවුන් මෙම විරෝධතා පාගමනය සංවිධාන කර තිබුණා.
එම පාගමන ශ්‍රී ජයවර්ධනපුර කෝට්ටේ විශ්වවිද්‍යාලය අසලින් ආරම්භ කර හයිලෙවල් මාර්ගයට පිවිසෙමින් තිබූ අතර එය අවහිර කිරීම සඳහා පොලිසිය විශේෂ ආරක්ෂාවක් යොදවා තිබුණා.
කෙසේ වෙතත්, සිසුන් නොනවැතී ඉදිරියට පැමිණීමත් සමග පොලිසිය විසින් මෙම හා ජල හා කඳුළු ගෑස් ප්‍රහාරය එල්ල කිරීමට පියවර ගනු ලැබුවා.
කෙසේ වෙතත්, සිසුන්ගේ මෙම විරෝධතා ක්‍රියාවලිය මේ වනවිටත් ක්‍රියාත්මකයි.
