අන්තර්ජාල මුදල් හුවමාරු ක්රම ඔස්සේ බැංකු ගිණුම්වලට මුදල් බැර කරවා ගෙන මත්ද්රව්ය ජාවාරමක නිරත වූ සැකකරුවන් දෙදෙනෙක් මත්ද්රව්ය තොගයක් ද සමඟ මීගමුව, කට්ටුව ප්රදේශයේ දී අත්අඩංගුවට ගෙන තිබෙනවා.
මීගමුව කොට්ඨාස අපරාධ විමර්ශන කාර්යංශයේ නිලධාරීන් කණ්ඩායමක් විසින් සිදුකරන ලද විමර්ශනයකට අදාළව ඊයේ (21) මෙම සැකකරුවන් දෙදෙනා අත්අඩංගුවට ගෙන ඇති බවයි වාර්තා වුණේ.
මෙලෙස අත්අඩංගුවට ගෙන ඇත්තේ අවුරුදු 29 සහ 31 වයස්වල පසුවන, ගල්කිස්ස සහ උඩුගම්පල ප්රදේශවල පදිංචිකරුවන් දෙදෙනෙක්.
මෙහිදී සැකකරුවන් සන්තකයේ තිබී හෑෂ් මත්ද්රව්ය කිලෝග්රෑම් 01යි ග්රෑම් 34ක්, අයිස් ග්රෑම් 07යි මිලිග්රෑම් 420ක් සහ හෙරොයින් ග්රෑම් 08යි මිලිග්රෑම් 860ක් පොලිස් භාරයට ගෙන තිබෙනවා.
මීට අමතරව මත්ද්රව්ය ජාවාරමෙන් උපයාගත් බවට සැකකරන රුපියල් තුන්ලක්ෂ පනස් එක්දහස් දෙසීයක මුදලක් සහ ජාවාරම සඳහා යොදාගත් මෝටර් රථ දෙකක් ද සොයාගත් බවයි පොලිසිය පැවසුවේ.
මීගමුව පොලීසිය සිද්ධිය සම්බන්ධයෙන් වැඩිදුර විමර්ශන සිදුකරනු ලබනවා.
