අන්තර්ජාලය හරහා මුදල් වංචා කළ ලාංකිකයින් හා විදෙස් ජාතිකයින් පිරිසක් CID දැලේ (ඡායාරූප)

අන්තර්ජාලය හරහා මුදල් වංචා සිදුකළ ශ්‍රි ලාංකිකයින් දෙදෙනෙකු සහ විදෙස් ජාතිකයින් 28ක් අපරාධ පරික්ෂණ දෙපාර්තමේන්තු මඟින් අත්අඩංගුවට ගෙන තිබෙනවා.

අපරාධ පරීක්ෂණ දෙපාර්තමේන්තුවේ පරිඝණක අපරාධ අංශයට ලද පැමිණිල්ලක් මත සිදුකළ විමර්ශනයක දී මීගමුව, කොච්චිකඩේ ප්‍රදේශයේ දී මෙම පිරිස අත්අඩංගුවට ගෙන ඇති බවයි වාර්තා වුණේ.

එලෙස අත්අඩංගුවට ගැනුණු විදෙස් ජාතිකයින් අතර පාකිස්ථාන ජාතිකයින්, ඉන්දීය ජාතිකයින්, නේපාල ජාතිකයින්, ඇල්ජිරියානු ජාතිකයින්, මැලේසියානු ජාතිකයින්, බංග්ලාදේශ ජාතිකයින් සහ ඉන්දුනීසියානු ජාතිකයින් සිටිනවා.

කොච්චිකඩේ ප්‍රදේශයේ හෝටලයක රැදි සිටිමින් මොවුන් මෙම නීතිවිරෝධී අන්තර්ජාල මුදල් වංචාවන් සිදුකර ඇති අතර, ඒ සදහා භාවිත පරිඝණක ඇතුළු උපකරණ රැසක් ද පොලිස් භාරයට ගෙන තිබෙනවා.

ලක්ෂ 58ක මුදලක් අන්තර්ජාලය හරහා ආයොජනය කර අගතියට පත් වූ පුද්ගලයෙක් විසින් අදාළ පැමිණිල්ල සිදුකර ඇති බවයි වාර්තා වුණේ.

ඒ, අනුව අත්අඩංගුවට ගත් සැකකරුවන් 30 දෙනා මේ වන විට අපරාධ පරික්ෂණ දෙපාර්තමේන්තුව භාරයේ රඳවා සිටිනවා.