අනවසරයෙන් විදුලි රැහැන් ඇද කෙසෙල්ගමුඔයේ මැණික් ගැරූ පුද්ගලයින් තිදෙනකු අත් අඩංගුවට ගෙන තිබෙනවා.
දසත ප්රාදේශීය වාර්තාකරු පැවසුවේ මෙම සැකකරුවන් ඊයේ 924) අත් අඩංගුවට ගෙන ඇත්තේ නෝර්වුඩ් පොලිසිය කළ වැටලීමක දී බවයි.
කිසිදු බලපත්රයක් රහිත ව කාසල්රී ජලාශයට ප්රධාන වශයෙන් ජලය ගලා බසිනා මෙම ඔයෙහි මැණික් ගැරීම සුලබ ජාවාරමක් ලෙසයි වාර්තා වන්නේ.
එබැවින් මෙම සැකකරුවන් ද සූක්ෂ්ම අයුරින් මැණික් ව්යාපාරය කරගෙන යාමට උත්සාහ කිරීමේදියි මෙලෙස අත්අඩංගුවට ගෙන ඇත්තේ.
සැකකරුවන් සන්තකයේ තිබී මෝටර් උපකරණ රැසක් ද සොයා ගැනුණා.
සැකකරුවන් කෙසෙල්ගමුඔය අසල පිහිටි නිවසක සිට අනවසරෙන් විදුලිය ලබාගෙන පිටතට ශබ්දය නොඇසෙන සේ මැණික් ඉල්ලම් ගොඩ ගැනීමට හාරා තිබු වළෙහි වතුර ඉසීමට විදුලියෙන් ක්රියා කරන විදුලි මෝටරයක් ද උපයෝගී කරගෙන ඇති බවයි හෙළි ව ඇත්තේ.
අත්අඩංගුවට ගත් සැකකරුවන් ගම්පොල, රත්නපුර සහ බගවන්තලාව යන ප්රදේශවල පදිංචි අවුරුදු 35-50 වයස් කාණ්ඩවල පසුවන අය යි.
සැකකරුවන් එළඹෙන 31 වැනිදා හැටන් මහේස්ත්රාත් අධිකරණය හමුවේ පෙනී සිටින ලෙසට නියෝග කරමින් පොලිස් ඇප මත නිදහස් කර තිබෙනවා.
