මෝටර් රථ දෙපාර්තමේන්තුවේ ලියාපදිංචි නොකළ අධි සුඛෝපභෝගී වෑන් රථයක් පුද්ගලයෙකුගේ නිවසේ නවතා තිබියදී සොයාගෙන තිබෙනවා.
අද (31) දහවල් වයඹ නියෝජ්ය පොලිස්පතිවරයාට ලද තොරතුරක් මත කුලියාපිටිය ජ්යේෂ්ඨ පොලිස් අධිකාරිවරයාට දැනුම්දීමෙන් පසු කුලියාපිටිය මූලස්ථාන පොලිසියේ දූෂණ මර්දන ඒකකය මගින් මෙම වාහනය සිය භාරයට ගැනුණා.
පොලිස් භාරයට ගත් වෑන් රිය කුලියාපිටිය – කරන්තිප්පල ප්රදේශයේ රමේෂ් පීටර් ප්රනාන්දු නමැත්තාගේ නිවසේ තිබියදියි මෙලෙස සොයා ගැනුණේ.
මෙම වාහනයේ චැසි අංකය හෝ ඇන්ජින් අංකය හෝ මෝටර් රථ ප්රවාහන දෙපාර්තමේන්තුවේ ලැයිස්තුගත වී නොමැති බවත් හෙළි ව තිබෙනවා.
ඒ අනුව අදාළ වාහනය කොහෙන්, කවුරුන් විසින් රැගෙන එනු ලැබුවේ ද යන්න වැඩිදුර විමර්ශනය කිරීමට කුලියාපිටිය මහේස්ත්රාත් අධිකරණයෙන් ලබාගත් නියෝගයක් මත ඉදිරි විමර්ශන කටයුතු සඳහා ශ්රී ලංකා රේගුවේ සහාය ද ගෙන ඇති බවයි පොලිසිය පැවසුවේ.
මෙම වාහනය සන්තකයේ තබාගත් පුද්ගලයා ද මේ වනවිට පසුවන්නේ පොලිස් අත්අඩංගුවේයි.
සැකකරු ප්රකාශ කර ඇත්තේ අනිල් නමැති පුද්ගලයෙක් මෙම වාහනය තමන්ගේ නිවසේ නතර කර ගිය බවත්; ආ විගස එය රැගෙන යන බවත් ඔහුට දැනුම්දුන් බවයි.
එමෙන්ම මෙම සිදුවීම සම්බන්ධයෙන් සීසීටීවී දර්ශන ඔස්සේ ද පරීක්ෂණ කරගෙන යන අතර අදාළ වෑන් රිය එකලස් කිරීමට පටවාගෙන ආ ලොරි රථයක් සහ එහි රියදුරු ද අත්අඩංගුවට ගෙන ප්රශ්න කිරීම් සිදු කෙරෙන බවත් වාර්තා වනවා.
wpDiscuz
