අකුරැස්ස, දීගල දානමය පිංකමකට සභාගී වී පැමිණෙමින් සිටි පුද්ලයෙකු පෝරඹදී යතුරුපැදියේ හුළං බැස ඇති නිසා යතුරුපැදිය තල්ලු කරමින් අකුරැස්ස නගරය දෙසට පැමිණෙද්දී රස්නයත් මහන්සියත් හේතුවෙන් ඇද වැටී මිය ගොස් ඇති බව මරණකරුගේ බිරිඳ පවසනවා.
මෙලෙස මියගොස් ඇත්තේ, 72 හැවිරිදි ව්යාපාරික සිව්දරු පියෙකි.
වසර කිහිපයක සිට හෘද රෝගියකු ලෙස ප්රතිකාර ලබා ගත්තත් මිය යාමට තරම් දරුණු ආබාධ තත්ත්වයක් නොතිබුණු ව්යාපාරිකයා පිංකම් ගෙදරින් ආහාර ගෙන සිය බිරිඳ සමඟ හන්දෙගොඩ සිට තෙලිජ්ජවිල නිවසට යන අතරතුර මෙම මරණය සිදුව ඇතැයි පොලිසිය පවසනවා.
කිලෝමීටර් කීපයක් තවත් නෑදෑ පිරිසක් එක්ව පැමිණ මාර්ගයේ ස්ථානයක නැවතී ආහාර ගෙන මද දුරක් පැමිණෙද්දී යතුරුපැදියේ හුළං බැස ඇති බවත් අනතුරුව බිරිද බස් රථයක නැගී නිවසට යමින් සිට ඇති බවත් ව්යාපාරිකයා යතුරුපැදිය කිලෝමීටර්යකට වැඩි දුරක් අධික උණුසුම් කාලගුණය නොතකා පාගමනින්ම තල්ලුකරගෙන රැගෙන යන අයුරු පෝරඹ දුම් පරීක්ෂණ මධ්යස්ථානයේ ආරක්ෂක කැමරාවේ සටහන්ව තිබෙනවා.
පසුව ඔහු ඇදවැටී මහාමාර්ගය අසලම මියගොස් තිබුණා.
1990 ගිලන් රථය පැමිණියත් ඒ වන විටත් ඔහු මියගොස් ඇති බැවින් හදිසි මරණ පරීක්ෂණය පවත්වා දේහය මාතර මහ රෝහලේ පශ්චාත් මරණ පරීක්ෂණයට යොමු කර තිබෙනවා.
මාතර මූලික රෝහලේ සිදුකළ ප්රශ්චාත් මරණ පරීක්ෂණයෙන් පසු හෘදයේ සෛල මිය යාමකින් සිදුවූ මරණයක් බවට සහතික කර ඇතැයි අකුරැස්ස පොලිසිය පවසනවා.
පවතින දැඩි උණුසුම් කාලගුණය හමුවේ විශේෂයෙන්ම රෝගීන් වෙහෙසකර කටයුතුවලින් ඈත් වී සිටීමෙන් මෙවැනි හදිසි මියයෑම් අවම කර ගැනීමට හැකි බවයි සෞඛ්ය අංශ පෙන්වා දෙන්නේ.
