කුලියාපිටිය මහේස්ත්රාත් අධිකරණයේ නඩු භාණ්ඩ කාමරයේ තිබූ ගෑස් සිලින්ඩර 54 ක් සොරකම් කිරීමේ සිද්ධියක් සම්බන්ධයෙන් එම අධිකරණයේ සේවය කරන කාර්යාල කාර්ය සහායකවරයෙකු අත්අඩංගුවට ගෙන තිබෙනවා.
කුලියාපිටිය කොට්ඨාස අපරාධ විමර්ශණ අංශය විසින් මෙලෙස අත්අඩංගුවට ගෙන ඇත්තේ කිතලව – යක්දැල්ගොඩවත්ත ප්රදේශයේ පදිංචි 44 හැවිරිදි වියේ පසුවන්නෙක්.
මහේස්ත්රාත් අධිකරණයේ නඩු භාණ්ඩ කාමරයේ තිබූ ගෑස් සිල්න්ඩර 54ක් අස්ථාන ගත වී ඇති බවට අධිකරණයේ රෙජිස්ටාර්වරයා විසින් පසුගිය අප්රේල් මාසයේ කුලියාපිටිය පොලීසියට පැමිණිලි කර තිබෙනවා.
එම පැමිණිල්ල සම්බන්ධයෙන් සිදුකළ විමර්ශනවලින් පසුව ඊයේ (28) මෙම සැකකරු අත්අඩංගුවට ගත බවයි පොලිසිය සඳහන් කළේ.
මෙලෙස අත්අඩංගුවට ගැනුණු සැකකරු කුලියාපිටිය මහේස්ත්රාත් අධිකරණයට ඉදිරිපත් කිරීමට නියමිතව තිබෙනවා.
ඔබේ ප්රතිචාරය කුමක්ද ?
+1
1
+1
+1
2
+1
1
+1
+1
+1
