අභිරහස් ලෙස ජිවිතක්ෂයට පත් වූ කපිල චන්ද්රසේන සම්බන්ධයෙන් සිදු කරනු ලැබූ විමර්ශන කටයුතුවලදී අල්ලස් හෝ දූෂණ විමර්ශන කොමිෂන් සභාවේ වර්තමාන අධ්යක්ෂක ජනරාල්, රංග දිසානායක ඔහුගේ වපසරියෙන් බැහැරව, අන්තනෝමතික ලෙස කටයුතු කර ඇත්දැයි සොයා බැලීම තුළින් අල්ලස් හෝ දූෂණ විමර්ශන කොමිෂන් සභාව ගෞරවය රැක ගැනීමටත් කොමිෂන් සභාව කෙරෙහි මහජන විශ්වාසය දිනා ගැනීමටත් ඉවහල් වනු ඇති බව ඒකාබද්ධ විපක්ෂය විසින් අල්ලස් හෝ දූෂණ විමර්ශන කොමිෂන් සභාවේ සභාපති විනිසුරුවරයා වෙත ලිපියක් යොමුකර තිබෙනවා.
ඊට අමතරව ශ්රී ලංකා පාර්ලිමේන්තුවේ කතානායක ජගත් වික්රමරත්නට එරෙහිව ඔහු විසින් සිදු කර ඇතැයි කියනු ලබන දූෂණ හා ආක්රමිකතාවයන් පිළිබඳව පැමිණිල්ලක් අල්ලස් කොමිෂන් සභාව වෙත යොමු කර ඇතත් ඒ පිළිබඳව කිසිඳු ක්රියාමාර්ගයක් ගෙන ඇති බව නිරීක්ෂණය වන බවත් ඒකාබද්ධ විපක්ෂය විසින් යොමුකර තිබූ ලිපියේ සඳහන් වනවා
ඒ පිළිබඳව ගෙන ඇති ක්රියාමාර්ගයන් හා එම පරීක්ෂණයේ ප්රතිඵල පිළිබඳව වර්තමාන ප්රගතිය දැන ගැනීමේ අයිතියක් මෙරට ජනතාවට ඇති බවට ඔවුන් විශ්වාස කරන බවද එම ලිපියේ ඒකාබද්ධ විපක්ෂයේ නියෝජිතයින් සඳහන් කර තිබෙනවා.
එමෙන්ම හිටපු විදුලි බල හා බලශක්ති අමාත්ය ජයකොඩිට එරෙහිව ඔහු රාජ්ය සේවකයෙකු වශයෙන් කටයුතු කරන අවස්ථාවේදී සිදු වූ අක්රමිකතාවයක් පිළිබඳව නඩු පවරන ලද අවස්ථාවේදී අල්ලස් හෝ දූෂණ කොමිසමේ අධ්යක්ෂක ජනරාල්වරයා විසින් ගෙන ඇත්තේ ඉතා පක්ෂග්රාහී ක්රියාවක් බවද එම ලිපියේ සඳහන් වනවා.
එමෙන්ම තවත් කරුණු කිහිපයක් සම්බන්ධයෙන් අල්ලස් හෝ දූෂණ විමර්ශන කොමිෂන් සභාවේ සභාපති විනිසුරුවරයා දැනුවත් කරමින් යොමුකර තිබෙන එම සම්පූර්ණ ලිපිය පහතින්,
ඒකාබද්ධ විපක්ෂය වෙනුවෙන් ජී.එල්. පීරීස් ලසන්ත අලගියවන්න සහ සුගීශ්වර බණ්ඩාර ඇතුළු පිරිසක් මෙම ලිපිය වෙත අත්සන් තබා තිබුණා.
