කොළඹ – අවිස්සාවේල්ල මාර්ගයේ අද (29) රාත්රී 9.00 සිට හෙට (30) අලුයම 1.00 දක්වා වාහන ධාවනයට සීමාකරන බව පොලිසිය පවසනවා.
කොස්ගම, කනම්පැල්ල – ශ්රී සුමනාරාම විහාරස්ථානයේ ගංගාරෝහණ මහ පෙරහැර හේතුවෙන් මෙලෙස එම මාර්ගයේ රථවාහන ගමනාගමනය සීමා කරන බවයි වාර්තා වුණේ.
පෙරහැර ගමන් ගන්නා කාලය තුළ එම මාර්ග භාවිතා කරන රියදුරන් සහ මහජනතාව වෙත විකල්ප මාර්ග භාවිත කරන ලෙසයි පොලිසිය දැනුම් දෙන්නේ.
ඒ, අනුව කොළඹ දෙස සිට අවිස්සාවේල්ල දෙසට ගමන් කරන වාහන කළුඅග්ගල හන්දියේ පිහිටි ඔරලෝසු කණුව අසලින් දකුණට ඇති ලබුගම මාර්ගයේ කිලෝ මීටර් 12ක් ගමන්කර තුංමෝදර හන්දියෙන් වමට ඇති තුංමෝදර – අවිස්සාවේල්ල මාර්ගයේ කිලෝමීටර් 08ක් ගමන් කළ පසු හමුවන පුවක්පිටිය හංදියෙන් දකුණට හැරී ප්රධාන මාර්ගයට පිවිසිය හැකියි.
පෙරහැර කොස්ගම, කනම්පැල්ල – ශ්රී සුමනාරාම විහාරස්ථානයෙන් ආරම්භ කර කොස්ගම – පූගොඩ මාර්ගයේ කනම්පැල්ල හංදිය දක්වා ගමන් කර කනම්පැල්ල හංදියෙන් දකුණට හැරී කොළඹ – අවිස්සාවේල්ල ප්රධාන මාර්ගයේ කඩුගොඩ හංදිය දක්වා ගමන් කර, නැවත එම මාර්ගය ඔස්සේ විහාරස්ථානය වෙත ගමන් කිරීමට නියමිතයි.
