අදානි සමාගම ක්‍රියාත්මක කිරීමට නියමිත මන්නාරම සුළං විදුලිබල ව්‍යාපෘතිය මේ වන විට ශ්‍රී ලංකාව තුළ දැඩි මතභේදයට තුඩු දී ඇති බව ‘ද හින්දු’ පුවත්පත වාර්තා කර තිබෙනවා.
පරිසරවේදින් පෙන්වා දෙන්නේ මෙම ව්‍යාපෘතිය මගින් සංක්‍රමණික පක්ෂීන්ට දැඩි බලපෑමක් එල්ලවන බවයි.
එමෙන්ම ප්‍රදේශයේ ජනතාවගේ ජිවනෝපාය මාර්ගයන්ටද මේ හරහා බලපෑමක් ඇති වන බව ‘ද හින්දු’ වාර්තාවේ සඳහන්.
මෙම සුළං බලශක්ති ව්‍යාපෘතිය මගින් ප්‍රදේශයේ ජෛව විවිධත්වයට අනතුරක් විය හැකි බවට පරිසරවේදීන් පෙන්වා දෙන අතර , වෙරළාසන්න පරිසරය හා බැඳී පවතින ජනතාවගේ ජීවනෝපායට ද මෙම ව්‍යාජෘතිය හරහා බලපෑම් එල්ල විය හැකි බවට මන්නාරම ප්‍රදේශවාසීන් බිය පළ කරන බව අදාළ වාර්තාවේ දැක්වෙනවා.
පසුගිය වසරේ පෙබරවාරි මාසයේදී, ශ්‍රී ලංකා ආයෝජන මණ්ඩලය දිවයිනේ උතුරු පළාතේ සුළං බලශක්ති නිෂ්පාදනය උදෙසා අදානි සමුහ ව්‍යාපාරය සමග එක්වුණා.
මන්නාරමේ මෙගාවොට් 250ක් සහ පුනරින් මෙගාවොට් 234ක් ජාතික විදුලිබල පද්ධතියට එක් කිරීමට මෙම ව්‍යාපෘතිය මගින් අපේක්ෂා කෙරුණා.
2030 වසර වන විට 70% පුනර්ජනනීය බලශක්ති ප්‍රභවයන් මගින් රටේ වර්ධනය වන බලශක්ති ඉල්ලුම සපුරාලීම ශ්‍රී ලංකා රජයේ අරමුණයි.
කෙසේ වෙතත් පක්ෂි විද්‍යාඥයින්ට අනුව, මන්නාරම ලොව පුරා බොහෝ පක්ෂි විශේෂ සඳහා වැදගත් සංක්‍රමණ මාර්ගයක් වනවා .
සෑම ශීත සෘතුවකම, පක්ෂින් දහස් ගණනක් දිස්ත්‍රික්කයේ තෙත්බිම් වෙත පැමිණෙන අතර , පක්ෂි නිරීක්ෂකයින් සහ සංචාරකයින් ආකර්ශනය කරගන්නා බව ද හින්දු වාර්තාවේ දැක්වෙනවා.
