ශ්රී ලංකා නාවික හමුදාවේ 25 වන නාවික හමුදාධිපති වශයෙන් 2022 වර්ෂයේ දෙසැම්බර් මස 18 වැනි දින සිට කටයුතු කළ අද්මිරාල් ප්රියන්ත පෙරේරා සිය වසර 37කට අධික සේවා කාලය අවසන් කරමින් අද (31) දින විශ්රාම දිවියට එළැඹුණා.
අද උදෑසන නාවික හමුදා සම්ප්රදායානුකූලව නාවික හමුදාධිපති ධුරයේ රාජකාරී අභිනව නාවික හමුදාධිපති, වයිස් අද්මිරාල් කාංචන බානගොඩ වෙත භාරදීමෙන් අනතුරුව, නාවික හමුදා සම්ප්රදායානුකූලව විශේෂ සම්මාන මුරයක් මගින් ඔහු වෙත උත්තමාචාරය පුද කිරීම ද සිදු කෙරුණු බවයි නාවික හමුදා මාධ්ය අංශය නිකුත් කළ නිවේදනයේ දැක්වෙන්නේ.
අභිනව නාවික හමුදාධිපති ඇතුළු නාවික හමුදා කළමනාකරණ මණ්ඩලය සහ ජ්යේෂ්ඨ නිලධාරීන් විසින් සමුදීමෙන් පසු, නාවික හමුදා රථ පෙළපාලියකින් නාවික හමුදා මූලස්ථානයේ සිට ඔහු පිටව යන මොහොතේ, ජ්යේෂ්ඨ සහ කනිෂ්ඨ නාවිකයින් මාර්ගය දෙපස රැඳී සිටිමින් අද්මිරාල් ප්රියන්ත පෙරේරා වෙත නාවික හමුදා සම්ප්රදායානුකූලව සුබාශිංසන පිරිනැමීම සිදු කෙරුණා.
