වෙන්නප්පුව පොලිස් වසමේ දකුණු උල්හිටියාව ප්රදේශයේ දී පුද්ගලයෙකුගේ අත පය ගැට ගසා ඔහුව ඝාතනය කර නිවසේ නවතා තිබූ KDH වර්ගයේ වෑන් රථයක් කොල්ලකා තිබෙනවා.
පොලිසිය සඳහන් කළේ ඊයේ (13) දහවල් කාලයේ මෙම අපරාධය සිදුව ඇති බවයි.
ඝාතනයට ලක් වූ පුද්ගලයා අවුරුදු 64ක මූදූකටුව, මාරවිල ප්රදේශයේ පදිංචිකරුවෙක්.
අපරාධය වූ නිවසේ නිවැසියන් ඉතාලියේ පදිංචිව සිටින අතර, ඝාතනයට ලක් වූ පුද්ගලයා පමණක් එම නිවසේ මුරකරු වශයෙන් සේවය කරමින් සිට තිබෙනවා.
විදේශ ගතව සිටින නිවැසියන්ගේ ඥාතියෙකු ඊයේ එම නිවසට පැමිණි අවස්ථාවේ ඝාතනයට ලක් වූ පුද්ගලයා අත පය ගැට ගසා නිවසේ කාමරයක නිරුවතින් මියගොස් සිටිනවා දැක ඇති අතර, නිවසේ ගාරාජයේ නවතා තිබූ වෑන් රථය ද නොමැති බවට පොලිස් ස්ථානයට පැමිණිලි කර තිබෙනවා.
අපරාධයට සම්බන්ධ සැකකරුවන් මෙතෙක් හඳුනාගෙන නොමැති අතර, සැකකරුවන් අත්අඩංගුවට ගැනීමට වෙන්නප්පුව පොලිසිය වැඩිදුර විමර්ශන සිදුකරනු ලබනවා.
මොකටද ඝාතන කරලා පැහැරගන යන්නේ?