ශ්රී ලංකා ක්රිකට් ආයතනය අත්හිටුවමින් එහි කටයුතු මෙහෙය වීම සඳහා ක්රීඩා අමාත්යවරයා විසින් අතුරු පාලක කමිටුවක් පත් කිරීම සහ ඊට අදාළ ගැසට් නිවේදනය ක්රියාත්මක වීම වළක්වාලමින් අභියාචනාධිකරණය විසින් අතුරු තහනම් නියෝග නිකුත් කළා.
ශ්රී ලංකා ක්රිකට් ආයතනයේ සභාපති ෂම්මි සිල්වා විසින් ඉදිරිපත් කළ රිට් පෙත්සමක් සලකා බැලීමෙන් අනතුරුව අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ විකුම් කළුආරච්චි යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල විසින් මෙම නියෝග අද (07) නිකුත් කරනු ලැබුවා.
එම නියෝගය දින 14ක කාලයකට බල පැවැත්වෙන බවත් එම නියෝගයේ සඳහන් වුණා.
ඒ, අනුව ක්රිකට් ආයතනයේ කටයුතු අත්හිටුවමින් ක්රීඩා අමාත්යවරයා විසින් අතුරු පාලක මණ්ඩලයක් පත් කරමින් නිකුත් කළ ලද ගැසට් නිවේදනය ක්රියාත්මක වීම වළක්වාලමින් අධිකරණය විසින් එක් අතුරු නියෝගයක් නිකුත් කළා.
එමෙන්ම අමාත්යවරයා විසින් පත්කරන ලද අර්ජුන රණතුංග මහතාගේ නායකත්වයෙන් යුත් ක්රිකට් අතුරු පාලක කමිටුවේ සාමාජිකයින්ට එම තනතුරුවල කටයුතු කිරීම වළක්වාලමින් තවත් අතුරු නියෝගයක් නිකුත් කරනු ලැබුවා.
පෙත්සම්කරු ඇතුළු ශ්රී ලංකා ක්රිකට් ආයතනයේ නිලධාරීන්ට ඔවුන්ගේ කටයුතුවලට බාධා කිරීම වළක්වාලමින් විනිසුරු මඩුල්ල විසින් ක්රීඩා අමාත්යවරයා ඇතුළු වගඋත්තරකරුවන් වෙත තවත් අතුරු නියෝගයක් නිකුත් කළා.
MU ANANDA HO NALANDA CAPTAIN 1980 GANA WALA. KAWADAWATH MATCH DINALA NAHE. KISIMA WISHESHA DAKSHAKAMAK NAHE. PALAMU PELA SELLAM KARALA NAHE. MUN WAGEYI NIKAMUNTA MEKA NIDHANAYAK. BAHIRAWAYA WAGEMAYI. DALA YANNEMA NAHE. MUSALAYO MINISSU AITH GAHALA PANNALA DANAKAMMA KEKKEN HARI KOKKEN HARI ELLILAMA INNA TRY EKA. NODOKIN