අතුරුදන් වූ බවට පැවසුණු ඇඹිලිපිටිය කොලොන්න ප්රදේශයේ ව්යාපාරිකයා ඔහුගේ හිතවතෙකුගේ නිවසේ සැඟව සිටිය දී මිරිහාන පොලිසිය විසින් අත්අඩංගුවට ගෙන තිබෙනවා.
ණයකරුවන්ගෙන් ගැලවීම සඳහා තමන් මෙසේ සැඟවුණු බවයි ඔහු පොලිසියට ප්රකාශ කර ඇත්තේ.
තේ දළු එකතු කිරීමේ ව්යාපාරයක නිරත වූ 48 හැවිරිදි මෙම පුද්ගලයා පසුගිය 16 වනදා සිට අතුරුදහන් වී තිබුණා.
ඔහුගේ බිරිඳ ඒ සම්බන්ධව පැමිණිලි කිරීමත් සමඟයි පොලිස් විමර්ශන ආරම්භ කෙරුණේ.
ඒ අනුව ව්යාපාරිකයා ගමන්ගත් වෑන් රථය දෙණියාය කොලොන්න මාර්ගයේ සුසාන භූමියක් අසල තිබී පොලිසිය විසින් සොයා ගත්තා.
පසුව පොලිසිය සිදු කළ විමර්ශනයේදී මෙලස අතුරුදහන් වු බව කියන ව්යාපාරිකයා මිරිහාන ප්රදේශයේ නිවසක සැඟව සිටින බවට ලැබුණු ඇමතුමක් මත වහා ක්රියාත්මක වූ පොලිසිය ඔහුව අත්අඩංගුවට ගෙන තිබෙනවා.
මෙම ව්යාපාරිකයාට නවාතැන් ලබාදුන් පුද්ගලයා ද අත්අඩංගුවට ගත් බවයි පොලිසිය සඳහන් කළේ.
තමන් ලබාගෙන ඇති ණය මුදල් ආපසු ගෙවීමට නොහැකි බැවින් මෙලෙස සැඟව සිටි බව ඔහු පොලිසිය හමුවේ පාපොච්චාරණය කළා.
පොලිස් මාධ්ය ප්රකාශක ජ්යෙෂ්ඨ පොලිස් අධිකාරී නිහාල් තල්දූව මහතා ප්රකාශ කළේ මෙම පුද්ගලයා සතුව තිබී බැංකුවල මුදල් තැන්පත් කළ රිසිට් පත් කිහිපයක් මෙන්ම රුපියල් ලක්ෂ දෙක හමාරක මුදලක් ද පොලිස් භාරයට ගෙන ඇති බවයි.
සැකකරු ඇඹිලිපිටිය කොට්ඨාස අපරාධ විමර්ශන අංශයට වැඩිදුර විමර්ශණ සඳහා භාරදී තිබෙනවා.
මෙම පුද්ගලයා කළ සැලසුමක් අනුව ඔහු කොළඹ ප්රදේශයට පැමිණ ඇති අතර කිසිදු ආකාරයකින් පැහැර ගැනීමක් සිදුවී නොමැති බවටයි පොලිස් මාධ්ය ප්රකාශකවරයා අනාවරණ කළේ.
