ආර්ථික අර්බුදයකට මුහුණ පා සිටින ශ්රී ලංකාවට ලබාදුන් ණය පහසුකම් යටතේ ජල ප්රහාරක රථයක් ආනයනය කර ඇතැයි පළවන වාර්තා අසත්ය බව ශ්රී ලංකාවේ ඉන්දීය මහ කොමසාරිස් කාර්යාලය නිවේදනය කරනවා.
මහ කොමසාරිස් කාර්යාලයේ නිල ට්විටර් ගිණුමේ සටහනක් තබමිනුයි මේ බව නිවේදනය කර ඇත්තේ.
රට තුළ ආර්ථික අර්බුදයක් පවතින තත්ත්වයක විරෝධතාවල නියත පුද්ගලයින් විසුරුවා හැරීමට විශාල මුදලක් වියදම් කරමින් අති නවීන ජල ප්රහාරක රථයක් මෙරටට ගෙන්වා ඇති බවටයි පසුගිය දිනවල සමාජ මාධ්ය ඔස්සේ ප්රචාරය වුණේ.
කෙසේ වෙතත් මේ සම්බන්ධයෙන් මාධ්යට අදහස් දක්වමින් මහජන ආරක්ෂක අමාත්ය ප්රසන්න රණතුංග සඳහන් කළේ අදාල රථය එක්සත් ජාතීන්ගේ සාම සාධක හමුදාවේ සේවයට යන භට පිරිස්වල භාවිතය සඳහා මීට වසරකට පමණ පෙර විශේෂ කාර්ය බලකාය විසින් ඇණවුම් කළ රථයක් බවයි.
ඉන්දීය මහ කොමසාරිස් කාර්යාලයේ ට්විටර් සටහන පහතින්..
