බාලවයස්කාර දැරියක දූෂණය කළේ යැයි කියන චෝදනාවකට අදාළව රක්ෂිත බන්ධනාගාරගත කිරීමට නියෝග කර දැනට කොළඹ ජාතික රෝහලේ ප්රතිකාර ලබමින් සිටින අනුරාධපුර අටමස්ථානාධිපති පල්ලේගම හේමතන හිමියන් ලබන 22 වනදා අනුරාධපුර ප්රධාන මහේස්ත්රාත් අධිකරණය හමුවට ඉදිරිපත් කරන ලෙස අනුරාධපුර ප්රධාන මහේස්ත්රාත් සියපත් සසිදු වික්රමරත්න මහතා කොළඹ රිමාන්ඩ් බන්ධනාගාර අධිකාරිවරයාට අද (15) නියෝග කළා.
මේ අතර, සැකකාර පල්ලේගම හේමරතන හිමියන්ට තම බාලවයස්කාර දියණිය දුෂණය කිරීමට චේතාන්විතවම මුදලට ලබාදුන්නේ යැයි කියන චෝදනාව මත රක්ෂිත බන්ධනාගාරගත කර සිටින වින්දිත දැරියගේ මව ඕනෑම ඇප කොන්දේසියක් මත මුදා හරින ලෙස ඇය වෙනුවෙන් පෙනී සිටි නීතීඥවරයා අධිකරයෙන් කළ ඉල්ලීමක් තරයේ ප්රතික්ෂේප කළ ප්රධාන මහේස්ත්රාත්වරයා සැකකාර මව මේ මස 22 වැනිදා දක්වා යළි රක්ෂිත බන්ධනාගාර ගත කිරීමට ද නියෝග කරනු ලැබුවා.
මෙම සිද්ධියට අදාළ නඩුව අනුරාධපුර ප්රධාන මහේස්ත්රාත් අධිකරණය හමුවේ අද (15) යළි කැදවු අවස්ථාවේදී වැඩිදුර වාර්තාවක් ඉදිරිපත් කරමින් නිට්ටඹුව පොලිසිය කියා සිටියේ, මෙම සිද්ධියට අදාළ විමර්ශන මේ වන විට අවසන්ව ඇති බවයි.
ඒ අනුව අදාළ විමර්ශනවල උදෘත නීතීපති උපදෙස් සඳහා යවා ඇති බවද අධිකරණයට කියා සිටි නිට්ටඹුව පොලිසිය මෙම සිද්ධියේ පළමු සැකකාර පල්ලේගම හේමරතන හිමියන් තවදුරටත් කොළඹ ජාතික රෝහලේ ප්රතිකාර ලබමින් සිටින බවද දන්වා සිටියා.
කොළඹ මැගසින් බන්ධනාගාර අධිකාරිවරයා අනුරාධපුර බන්ධනාගාර අධිකාරිවරයා මගින් එවා තිබූ සැකකාර පල්ලේගම හේමරතන හිමියන්ගේ වෛද්ය වාර්තාවක් අධිකරණය ඉදිරිපත් කරමින් බන්ධනාගාර නිලධාරීන් පවසා සිටියේ, සැකකාර පල්ලේගම හේමරතන හිමියන් වෛද්ය පරීක්ෂණ කිහිපයකට භාජනය වෙමින් මේ වන විට කොළම ජාතික රෝහලේ ප්රතිකාර ලබමින් සිටින බවයි.
පළමු සැකකාර පල්ලේගම හේමරතන හිමියන් වෙනුවෙන් අධිකරණයට කරුණු දක්වමින් ජනාධිපති නීතීඥ කාලිංග ඉන්ද්රතිස්ස සඳහන් කළේ තම සේවාදායකයා වෙනුවෙන් අද දින ඇප ඉල්ලීමක් සිදු නොකරන බවයි.
මෙම සිද්ධිය සම්බන්ධයෙන් සිදු කරන විමර්ශන කඩිනම් කරන ලෙසට පොලිසියට නියෝග කරන්නැයි ද ජනාධිපති නීතීඥවරයා මෙහිදී අධිකරණයෙන් අයැද සිටියා.
Wijedasa Kodikarage
සැදැහැ සිතින් උපාසක අම්ම කෙනෙක් දාන වේලක් පූජකලාම හාමුදුරුවො වලදන්න ඇති.