අටමස්ථානාධිපති පූජ්‍ය පල්ලේගම හේමරතන හිමි අත්අඩංගුවට

දැරියක් අපයෝජන කළැයි, චෝදනා එල්ල වී සිටින අටමස්ථානාධිපති පූජ්‍ය පල්ලේගම හේමරතන හිමි ඊයේ (08) රාත්‍රියේ අත්අඩංගුවට ගෙන තිබෙනවා.

කොළඹ පෞද්ගලික රෝහලක ප්‍රතිකාර ලබමින් සිටිය දී නිට්ටඹුව පොලිසිය විසින් සැකකාර හිමිනම අත්අඩංගුවට ගත් බවයි පොලිසිය සඳහන් කළේ.

කොළඹ පෞද්ගලික රෝහලක ප්‍රතිකාර ලබමින් සිටිය දී නිට්ටඹුව පොලිසිය විසින් ඊයේ (08) රාත්‍රි 11.45ට පමණ සැකකාර හිමිනම අත්අඩංගුවට ගත් බවයි පොලිසිය සඳහන් කළේ.

මෙම සිද්ධියට අදාළව අටමස්ථානාධිපති හිමියන් අත්අඩංගුවට ගැනීමට අනුරාධපුර ප්‍රධාන මහේස්ත්‍රාත් සසිඳු වික්‍රමරත්න මහතා ඊයේ (08) වරෙන්තු නිකුත් කරනු ලැබුවා.

එමෙන්ම දැරිය මුදලට අලෙවි කළ බව කියන, බාල වයස්කාර වින්දිත දැරියගේ මව මෙම අපරාධයට අධාර අනුබල දීම හා දැරිය මුදලට විකිණීම සම්බන්ධව ඊයේ (08) අත්අඩංගුවට ගෙන අනුරාධපුර මහේස්ත්‍රාත් අධිකරණයට ඉදිරිපත් කිරීමෙන් අනතුරුව ලබන 15 වනදා දක්වා රක්ෂිත බන්ධනාගාර ගත කළා.

මේ සම්බන්ධයෙන් නිට්ටඹුව පොලිස් ස්ථානයේ ළමා හා කාන්තා කාර්යංශය මඟින් වැඩිදුර විමර්ශන සිදු කරනු ලබනවා.