යාපනය – අච්චුවේලි ප්රදේශයේ නිවාස දෙකකට ප්රචණ්ඩ කල්ලියක් ප්රහාරයක් එල්ල කර තිබෙනවා.
මෙම ප්රචණ්ඩකාරී සිද්ධිය සම්බන්ධයෙන් සහෝදරයන් ඇතුළු තිදෙනෙකු අත්අඩංගුවට ගෙන ඇති බවයි වාර්තා වන්නේ.
අච්චුවේලි – සංගානෙයි පාරේ දකුණු කෙළවරේ පිහිටි නිවාස දෙකකට ඊයේ (02) මෙම ප්රහාරය එල්ල වී තිබෙනවා.
එම නිවාස දෙකට පෙට්රල් බෝම්බ සහ ගල් ප්රහාර එල්ල කළ බවට පොලිස් ස්ථානයට පැමිණිල්ලක් ද ලැබී තිබෙනවා.
පහරදීමට හේතුව අනාවරණ වී ඇති අතර අච්චුවේලි පොලිසිය සිද්ධිය සම්බන්ධයෙන් පරීක්ෂණ පවත්වනු ලබනවා.
