පසුගිය පෙබරවාරි මාසයේ 16 වන දින තලංගම පොලිස් වසමේ අකුරේගොඩ පිහිටි සුපිරි වෙළද සැලක රථගාලේ දී නීතීඥවරයෙක් සහ ඔහුගේ බිරිඳට ගිනි අවියකින් වෙඩි තබා ඝාතනය සිදු කිරීමේ අපරාධයට අදාලව සැකකරුවන් අත්අඩංගුවට ගැනීම සඳහා බස්නාහිර පළාත දකුණ දිසා අපරාධ විමර්ශන කොට්ඨාසය මඟින් තවදුරටත් විමර්ශන සිදු කරමින් පවතින බව පොලිසිය පවසනවා.
ඒ අනුව මෙම ද්විත්ව මනුෂ්ය ඝාතනය සිදු කිරීම සඳහා වෙඩික්කරුවන් ගමන් ගන්නා ලද කාර් රථයේ රියැදුරු වශයෙන් කටයුතු කළ සකක්රුවෙන් අත්අඩංගුවට ගැනීම සඳහා පොලිසිය මහජන සහය පතනවා.
එම සැකකරුගේ විස්තර සම්බන්ධයෙන් පොලිසිය විසින් නිවේදනයක් නිකුත් කරමින් දැනුම්දී ඇති අතර සැකකරුගේ නම කළුආරච්චි ලියනගේ නිලුක්ෂ වීරසිංහ වන අතර ඔහුගේ ලිපිනය, වීරසිංහ මල් ශාලාව, පරගොඩ, ඉමදුව බවයි පොලිසිය පවසන්නේ.
සැකකරුගේ ජාතික හැඳුනුම්පත් අංකය 199714103549 වන අතර සැකකරුගේ ඡායාරූප කිහිපයක්ද පොලිසිය විසින් නිකුත් කර තිබෙනවා.
පහත සැකකරු සම්බන්ධයෙන් යම් තොරතුරක් වෙතොත් පහත සඳහන් දුරකථන අංක වෙත දැනුම් දෙන ලෙස පොලිසිය මහජනතාවගෙන් ඉල්ලා සිටිනවා.
අධ්යක්ෂ / බස්නාහිර පළාත (දකුණ) දිසා අපරාධ කොට්ඨාසය 071-8592279
ස්ථානාධිපති / බස්නාහිර පළාත (දකුණ) දිසා අපරාධ කොට්ඨාසය 071-8596065
පොලිසිය විසින් නිකුත් කර තිබෙන සැකකරුගේ ඡයාරූප පහතින්,
