හම්බෙගමුව, සීනුග්ගල ප්රදේශයේ ඊයේ (12) රාත්රියේ සිදුකළ වෙඩි තැබීමකින් පුද්ගලයින් දෙදෙනෙක් තුවාල ලබා තිබෙනවා.
සීනුග්ගල ප්රදේශයේ නිවසක පැවති සාදයක් අතර තුර මෙම වෙඩි තැබීම සිදුකර ඇති බවයි පොලිසිය සඳහන් කළේ.
යතුරුපැදියකින් පැමිණි පුද්ගලයින් දෙදෙනෙකු විසින් මෙම වෙඩි තැබීම සිදුකර පළාගොස් ඇති බවයි වාර්තා වුණේ.
තුවාල ලැබූ පුද්ගලයින් දෙදෙනා ප්රතිකාර සඳහා හම්බෙගමුව සහ ඇඹිලිපිටිය රෝහල් වෙත ඇතුළත් කර ඇති බවයි පොලිසිය වැඩිදුරටත් සඳහන් කළේ.
වෙඩි වැදීමෙන් මෙලෙස තුවාල ලබා ඇත්තේ 24 හැවිරිදි සහ 42 හැවිරිදි වියේ පසුවන හම්බෙගමුව, අලුත්වැව ප්රදේශයේ පදිංචිකරුවන් දෙදෙනෙක්.
වෙඩි තැබීමට හේතුව මෙතෙක් අනාවරණය වී නොමැති අතර, සිද්ධිය සම්බන්ධයෙන් හම්බෙගමුව පොලිසිය වැඩිදුර විමර්ශන පවත්වනවා.
