ලෝක අලි දිනය අද (12) දිනට යෙදී තිබෙනවා.
ඒ අනුව, අද දිනට යෙදී ඇති ජගත් අලි දිනයේ සම්බන්ධයෙන් පරිසර අමාත්යංශය පවසන්නේ අලි ඇතුන්ගේ සුරක්ෂිතතාව තහවුරු කිරීම යනු අපගේ සමස්ත ජෛව විවිධත්වය, ස්වාභාවික පරිසර පද්ධතිය, සංචාරක කර්මාන්තය, ජාතික ආර්ථිකය මෙන්ම සංස්කෘතික දායාදය ද එකලෙස සුරැකීම බවයි.
වසර ගණනාවක් පුරා මෙරට පැවැති අක්රමවත් සංවර්ධන ක්රියාවලිය ස්වාභාවික සංචරණ මාර්ග සහ අලි මංකඩවල් අවහිරවීම, පාරිසරික මායිම් විධිමත් ලෙස කළමනාකරණය නොකිරීම සහ ගෝලීය දේශගුණික විපර්යාසයන්ගේ අහිතකර බලපෑම හේතුවෙන් අලි-මිනිස් ගැටුම අද වන විට සමාජීය හා ආර්ථික අර්බුදයක් බවට පත්වීම වැළැක්විය නොහැකි බවත් පරිසර අමාත්යංශය පෙන්වා දෙනවා.
පවතින ගැටලුව සඳහා අතීතයේ මෙන් තාවකාලික පැලැස්තර විසඳුම් වෙනුවට, ජනාධිපතිතුමාගේ සෘජු උපදෙස් හා මගපෙන්වීම යටතේ ස්ථිර, විද්යාත්මක සහ තිරසාර විසඳුමක් ලබාදීමට පරිසර අමාත්යංශය වෙත විද්යාත්මක පදනමින් යුතුව ඒකාබද්ධ කරන ලද ආයතනවල සහයෝගයෙන් කැපවීමෙන් කටයුතු කර ඇති අතර එය තව තවත් නව යෝජනා හා ප්රායෝගික වැඩපිළවෙල සමඟ නොකඩවා සිදු කෙරෙමින් පවතින බවත් අමාත්යංශය සඳහන් කරනවා.
