පාපන්දු සුපිරි තරුවක් වන ක්රිස්ටියානෝ රොනාල්ඩෝ පවසන්නේ, මෙය ඔහුගේ අවසාන තරග වාරයවීමට ඉඩ ඇති බවයි.
මෙම තරග වාරය අවසානයේ වෘත්තීය පාපන්දු ක්රීඩාවෙන් තමන් විශ්රාම ගන්නා බවයි රොනාල්ඩෝ ඉඟිපළකර ඇත්තේ.
“මෙය බොහෝ විට මගේ පාපන්දු ක්රීඩාවේ අවසාන වසර විය හැකියි, මට දර්ශනීය උරුමයක් ඉතිරි කිරීමට අවශ්යයි.” යනුවෙන් ඔහු ඊයේ වෝග් සඟරාවට සම්මුඛ සාකච්ඡාවක් ලබා දෙමින් පවසා තිබෙනවා.
41 හැවිරිදි ඔහු පසුගිය අඟහරුවාදා තම සහකාරිය වන ජෝර්ජිනා රොඩ්රිගස් සමඟ විවාහ වූ අතර, මේ වන විට තම පවුල කේන්ද්ර කරගත් අනාගතයක් පිළිබඳව සැලසුම් කරමින් සිටිනවා.
‘බැලොන් ඩෝර්’ සම්මානය සහ ‘චැම්පියන්ස් ලීග්’ ශූරතාවය පස් වතාවක් බැගින් දිනා ඇති රොනාල්ඩෝ, එංගලන්තය, ස්පාඤ්ඤය, ඉතාලිය සහ සෞදි අරාබිය යන රටවල ලීග් ශූරතා දිනාගෙන තිබෙනවා.
රොනාල්ඩෝ ජාත්යන්තර පාපන්දු ඉතිහාසයේ වැඩිම ගෝල සංඛ්යාවක් වාර්තා කළ ක්රීඩකයා වන අතර, ඔහුගේ නම ඉදිරියේ ගෝල 976ක් ලියවී තිබෙනවා.
“මගේ අනාගතය පිළිබඳ සැලසුම් මම දැනටමත් සකසාගෙන අවසන්. මා කාර්යබහුලව තබා ගැනීමට බොහෝ දේ ඇති නිසා, ඉන් එකක් පමණක් සඳහන් කිරීම අපහසුයි. මොකද පාපන්දු ක්රීඩාවෙන් ඉවත් වීමෙන් පසු විශාල හිස්තැනක් ඇති විය හැකි නිසා, කාලය ගත කිරීමට විවිධ ක්රම සොයාගත යුතුයි; එක් ක්රමයක් පමණක් ප්රමාණවත් නොවෙයි.” යනුවෙනුයි ඔහු වැඩිදුරටත් පවසා ඇත්තේ.
