කොළඹ නව මැගසින් බන්ධනාගාරයේ නොසන්සුන්තාව මේ වනවිට සම්පූර්ණයෙන්ම පාලනය කර ඇති බව පොලිසිය පවසනවා.
මෙම නොසන්සුන්තාවයට මුල් වූ රැඳවියන් දසදෙනෙක් වෙනත් බන්ධනාගාර වෙත මාරු කිරීමට පියවර ගෙන ඇති බවයි වාර්තා වන්නේ.
මැගසින් බන්ධනාගාරයේ තාප්පයට ඉහළින් බන්ධනාගාරය ඇතුළට විසි කළ කුඩා පාර්සලයක් බන්ධනාගාර නිලධාරියෙකු භාරයට ගැනීමත් සමඟ රැඳවියන් පිරිසක් මෙලෙස කලහකාරී ලෙස හැසිරී ඇති බව සිදුකළ විමර්ශනවල දී අනවරණය වී තිබෙනවා.
එහිදී ඇති වූ නොසන්සුන්තාව බන්ධනාගාර නිලධාරීන්, පොලිසිය සහ පොලිස් විශේෂ කාර්ය බලකායේ නිලධාරීන් එක්ව පාලනය කිරීමට කටයුතු කර ඇති බවයි වාර්තා වුණේ.
මේ අතර, බන්ධනාගාර පරිශ්‍රයේ සහ අවට ප්‍රදේශයේ ආරක්ෂාව තහවුරු කිරීම සඳහා ත්‍රිවිධ හමුදාව යෙදවීමට ද කටයුතු කර තිබුණා.
