ශ්රී ලංකා මහා භාණ්ඩාගාරය සතු අමෙරිකානු ඩොලර් මිලියන 2.5 ක රජයේ මුදල් වංචනික ලෙස බැහැර කිරීමේ සිද්ධියට අදාළව තාක්ෂණික කමිටුවේ වර්තාව මෙතෙක් ලැබී නොමැති බව අපරාධ පරීක්ෂණ දෙපාර්තමේන්තුව අද (30) කොටුව මහේස්ත්රාත් පසන් අමරසේන මහතා හමුවේ දන්වා සිටියා.
සිද්ධියට අදාළ නඩුව කැඳවූ අවස්ථාවේ දී විමර්ශන නිලධාරීන් ඒ බව දැනුම් දුන්නා.
ඒ, අනුව සිද්ධියට අදාළව විමර්ශන ප්රගතිය දෙසැම්බර් 16 වන දින අධිකරණයට දන්වන ලෙස ද මහේස්ත්රාත්වරයා අපරාධ පරීක්ෂණ දෙපාර්තමේන්තුවට නියෝග කළා.
සිද්ධියට අදාළව වැඩිදුරටත් අධිකරණයට කරුණු දක්වමින් විමර්ශන නිලධාරීන් පවසා සිටියේ අපරාධ පරීක්ෂණ දෙපාර්තමේන්තුව විසින් මෙම විමර්ශනයට අදාළව සොයාගනු ලැබූ ටෙරා බයිට් 16ක පරිගණක දත්ත අඩංගු දෘඪතැටි වැඩිදුර විමර්ශන සඳහා කොළඹ විශ්ව විද්යාලය වෙත යොමු කර ඇති බවයි.
ඒ, අනුව මෙම විමර්ශනයට අදාළව රාජ්ය ණය කළමනාකරණ දෙපාර්තමේන්තුවේ ඊමේල් දත්ත පද්ධතියේ පිටපත් කොළඹ විශ්වවිද්යාලය ප්රධානත්වයෙන් පත්කළ තිබෙන තාක්ෂණික කමිටුවට ලබා දෙන ලෙස ද පෙර නඩු දානයේ දී අධිකරණයෙන් ඉල්ලා තිබුණා.
මහා භාණ්ඩාගාරයට අදාළ ඇමරිකන් ඩෝලර් මිලියන 2.5කට වැඩි මුදලක් අතුරුදන්වීම ගැන පස්දෙනෙකුගෙන් යුත් තාක්ෂණික විමර්ශන කමිටුවක් මුදල් අමාත්යාංශය විසින් පත් කර තිබෙනවා.
