චැටෝග්රෑම්හිදී බංග්ලාදේශ ක්රිකට් ක්රීඩක නයීම් හසන්ට පහරදුන් බවට චෝදනා එල්ල වී ඇති පොලිස් නිලධාරීන් තිදෙනෙකුගේ වැඩ තහනම් කර තිබෙනවා.
පොලිස් පරීක්ෂකවරයෙක් සහ පොලිස් කොස්තාපල්වරුන් දෙදනෙකුගේ මෙලෙස වැඩ තහනම් කර ඇති බවයි විදෙස් මාධ්ය තොරතුරු වාර්තා කළේ.
පොලිස් නිලධාරීන් විසින් නයීම් හසන්ට හේතුවන් නොමැතිව පහරදීමේ සිද්ධිය විමර්ශනය කිරීම සඳහා ත්රිපුද්ගල කමිටුවක් ද පිහිටුවා ඇති බවයි බංග්ලාදේශ මාධ්ය වාර්තා කරන්නේ.
මේ අතර චැටෝග්රෑම් මෙට්රොපොලිටන් පොලිස් කොමසාරිස්වරයා ඊයේ (13) දිනයේ නයීම්ගේ නිවසට ගොස් ඔහුගේ සුවදුක් විමසා ඇති අතර, එහිදී ඔහු පවසා ඇත්තේ සිද්ධියට සම්බන්ධ නිලධරීන්ට එරෙහිව විනය ක්රියාමාර්ග ගන්නා බවයි.
තරගයකට සහභාගි වී ත්රීරෝද රථයකින් සිය නිවස බලා යමින් සිටි නයීම්ට, පෙරේදා (12) රාත්රියේ පොලිස් නිලධාරීන් පිරිසක් කිසිදු හේතුවක් නොමැතිව ඔහුට පහර දී බලහත්කාරයෙන් පොලිස් ස්ථානයට රැගෙන ගොස් ඇති බවයි වාර්තා වුණේ.
නයීම් හසන්ට මුහුණදීමට සිදු වූ මෙම අමානුෂික සිදුවීම පිළිබඳව බංග්ලාදේශ ක්රිකට් ක්රීඩකයින් රැසක් සිය අප්රසාදය හා විරෝධය පළකර තිබුණා.
