පාකිස්තාන රජයේ ඉන්ධන මිල නියම කිරීමේ ප්රතිපත්තිය සාමාන්ය ජනතාව මත අමතර මූල්ය බරක් පටවන බවට එරට ප්රධාන විපක්ෂ පක්ෂයක් වන පාකිස්තාන ජනතා පක්ෂය (PPP) චෝදනා කර තිබෙනවා.
පක්ෂයේ නියෝජ්ය ලේකම් අහ්සන් රිස්වි පවසන්නේ ඉන්ධන මිල නිතර වෙනස් කිරීම සහ පෙට්රල් හා ඩීසල් අලෙවි නියෝජිතයන්ගේ කොමිස් මුදල වැඩි කිරීම හේතුවෙන් පාරිභෝගිකයන්ට ලීටරයකට තවත් රුපියල් 2.68ක අමතර බරක් පටවා ඇති බවයි.
ඔහු පෙන්වා දෙන්නේ මෙම ප්රතිපත්තිය හේතුවෙන් පාරිභෝගිකයන් අතර අවිනිශ්චිතතාවක් ඇති වී ඇති අතර, අත්යවශ්ය භාණ්ඩවල මිලද ඉහළ යමින් පවතින බවයි.
අහ්සන් රිස්වි පාකිස්තානයේ ඉන්ධන මිල ප්රතිපත්තිය බංග්ලාදේශය සමඟද සංසන්දනය කළේය. ඔහුට අනුව බංග්ලාදේශයේ පෙට්රල් මිල 2026 ජූනි 1 වැනිදා සංශෝධනය කළ පසු මාස තුනක කාලයක් තුළ ඉහළ දමා නොමැත.
එමෙන්ම, ජාත්යන්තර වෙළෙඳපොළේ බොරතෙල් මිල ඉහළ යන විට එහි බලපෑම වහාම ජනතාවට පටවන නමුත්, මිල පහළ යන විට එම වාසිය සම්පූර්ණයෙන්ම ජනතාවට ලබා නොදෙන බවටද ඔහු චෝදනා කළා.
ඒ අනුව, ජාත්යන්තර බොරතෙල් මිල පහළ යන සෑම අවස්ථාවකදීම එම සහනය දේශීය ඉන්ධන මිලටද අදාළ වන පරිදි මිල නියම කිරීමේ ක්රමවේදය සංශෝධනය කරන ලෙස පාකිස්තාන ජනතා පක්ෂය රජයෙන් ඉල්ලා තිබෙනවා.
